മലയാളം മിഷന്റെ ആമ്പല് (ഹയർ ഡിപ്ലോമ), നീലക്കുറിഞ്ഞി (സീനിയർ ഹയർ ഡിപ്ലോമ) എന്നീ കോഴ്സുകളിലെ അദ്ധ്യാപകര്ക്ക് വേണ്ടി നടത്തിയ അദ്ധ്യാപക പരിശീലന കളരി സമാപിച്ചു.
ജൂണ് 29, 30 തിയ്യതികളിലായി ചെമ്പൂര് ആദര്ശ വിദ്യാലയത്തില് വെച്ചാണ് പരിശീലനം സംഘടിപ്പിച്ചത്. മലയാളം മിഷന് മുംബൈ ചാപ്റ്ററിന്റെ വിവിധ മേഖലകളില് നിന്നായി മുപ്പത് അധ്യാപകര് ഈ പരിശീലനത്തില് പങ്കെടുത്തു. ഇവരോടൊപ്പം മുംബൈയില് നിന്നുള്ള ആര്.പി മാരും (റിസോഴ്സ് പേഴ്സന്സ്) പങ്കെടുത്തു.
കേരളത്തില് നിന്ന് വന്ന മലയാളം മിഷന് ഭാഷാധ്യാപകന് ടി. സതീഷ്കുമാര് അധ്യാപക പരിശീലന കളരിക്ക് നേതൃത്വം നല്കി. നവീന രീതിയില് വിദഗ്ധവും ശാസ്ത്രീയവുമായ പഠനരീതികളാണ് മലയാളം മിഷന് കൈക്കൊണ്ടു പോരുന്നത്.
ജൂണ് 29 രാവിലെ പത്തു മണിക്ക് ആരംഭിച്ച പരിശീലന കളരിയില് ചാപ്റ്റര് സെക്രട്ടറി രാമചന്ദ്രന് മഞ്ചറമ്പത്ത് സ്വാഗതമാശംസിച്ചു. ജൂണ് 30 വൈകുന്നേരം സമാപനത്തില് ചാപ്റ്റര് കണ്വീനര് ജീവരാജന് നന്ദി പ്രകാശിപ്പിച്ചു.