മഹാരാഷ്ട്രയിലെ ഭയന്ദർ റെയിൽവേ സ്റ്റേഷനിലാണ് നഗരത്തെ നടുക്കിയ സംഭവം. ഓടി വരുന്ന ട്രെയിനിന് മുന്നിൽ കൈകൾ കോർത്ത് പിടിച്ചാണ് അച്ഛനും മകനും മരണത്തിലേക്ക് നടന്നത്.
സിസിടിവിയിൽ പതിഞ്ഞ സംഭവം മുംബൈയിൽ നിന്ന് 32 കിലോമീറ്റർ അകലെ ഭയന്ദർ റെയിൽവേ സ്റ്റേഷനിലാണ്.
പാഞ്ഞു വരുന്ന തീവണ്ടിക്ക് മുന്നിൽ നിശ്ചയിച്ചുറപ്പിച്ചാണ് രണ്ടു പേരും ട്രാക്കിൽ കിടന്ന് ആത്മഹത്യ ചെയ്തത്. സംഭവത്തിന്റെ ഞെട്ടിപ്പിക്കുന്ന വീഡിയോ പുറത്ത് വന്നു.
Extremely painful video.
— Vani Mehrotra (@vani_mehrotra) July 9, 2024
Father-son duo die by suicide in front of a local train at the Bhayandar railway station in Maharashtra. The incident happened on July 8 at nearly 10.30 am.#Maharashtra pic.twitter.com/XhmJzPOLl6
പ്ലാറ്റ്ഫോമിലൂടെ നടക്കുന്നതിനിടയിൽ അച്ഛനും മകനും പരസ്പരം സംസാരിക്കുന്നതിന്റെ വീഡിയോ ദൃശ്യങ്ങളും കാണാം. പ്ലാറ്റ്ഫോമിൻ്റെ അറ്റത്ത് എത്തിയപ്പോൾ ഇരുവരും ഇറങ്ങി ട്രാക്കുകൾ മുറിച്ചു കടക്കുകയായിരുന്നു. ഇതിനിടയിൽ അടുത്ത ട്രാക്കിലൂടെ ട്രെയിൻ കടന്നു പോകവെയാണ് ജീവനൊടുക്കിയത്
നലസോപാര സ്വദേശികളായ ജയ് മേത്ത (35), പിതാവ് ഹരീഷ് മേത്ത (60) എന്നിവരാണ് മരണമടഞ്ഞത് . ആത്മഹത്യയ്ക്ക് പിന്നിലെ കാരണം ഇതുവരെ കണ്ടെത്താനായിട്ടില്ല, അസ്വാഭാവിക മരണത്തിന് പോലീസ് കേസെടുത്ത് അന്വേഷണം ആരംഭിച്ചു.