മുളുണ്ട് കേരള സമാജത്തിന്റെ ഈ വർഷത്തെ ഓണാഘോഷം വിപുലമായ കലാ പരിപാടികളോടെ കൊണ്ടാടുന്നതാണ്.
സെപ്റ്റംബർ 22ന് ഞായറാഴ്ച കാലത്ത് 10 മണിമുതൽ മുളുണ്ട് ഭക്തസംഘം അജിത്കുമാർ നായർ ഹാളിൽ ഓണ സദ്യയും, സമാജം കുടുംബാംഗങ്ങൾ അവതരിപ്പിക്കുന്ന വിവിധ തരം കലാപരിപാടികളും കൈകൊട്ടിക്കളിയും അജിത് കുമാർ നായർ മെമ്മോറിയൽ മെറിറ്റ് അവാർഡ് ദാനവും നടക്കുന്നതായിരിക്കും.
സെപ്റ്റംബർ 27 വെള്ളിയാഴ്ചയാണ് സമാജത്തിന്റെ ജീവകാരുണ്യ പ്രവർത്തനങ്ങൾക്കും പുതിയ കമ്മ്യൂണിറ്റി ഹാളിന്റെ നിർമ്മാണത്തിനും വേണ്ടിയുള്ള ധനശേഖരാണർത്ഥം മുളുണ്ട് കാളിദാസ് നാട്യമന്ദിറിൽ വെച്ച് നടത്തുന്ന മെഗാ പ്രോഗ്രാം.
വൈകുന്നേരം 6 മണിമുതൽ 6.30 വരെ സാംസ്കാരിക സമ്മേളനവും അതിനുശേഷം പ്രശസ്ത ഗായകനും, വയലിനിസ്റ്റുമായ വിവേകാനന്ദനും സംഘവും അവതരിപ്പിക്കുന്ന ഗാനമേളയും സിനിമാതാരവും നർത്തകിയും അവതാരികയുമായ പാരിസ് ലക്ഷ്മിയും ടീമും അവതരിപ്പിക്കുന്ന വിവിധതരം നൃത്തങ്ങളും റെജി രാമപുരവും സംഘവും അവതരിപ്പിക്കുന്ന ഹാസ്യവിരുന്നും അരങ്ങേറും.
ഓണസദ്യക്കും മെഗാ പ്രോഗ്രാമിനുമുള്ള പ്രവേശന പാസ്സിനും സ്പോൺസർഷിപ്പിനും കൂടുതൽ വിവരങ്ങൾക്കും സമാജം ഭാരവാഹികളുമായി
92244 08108,
98199 96845,
93222 77577
എന്നീ നമ്പറുകളിൽ ബന്ധപ്പെടേണ്ടതാണ്.
