ബോളിവുഡ് താരങ്ങളായ ഷാരൂഖ് ഖാനും കാജോളും ലണ്ടനിൽ എത്തിയത് ദിൽവാലെ ദുൽഹാനിയ ലേ ജായേംഗെ’ (DDLJ) എന്ന ബ്ലോക്ക്ബസ്റ്റർ ചിത്രത്തിന്റെ 30-ാം വാർഷികം ആഘോഷിക്കാനായിരുന്നു.
ലണ്ടനിലെ ലെസ്റ്റർ സ്ക്വയറിലായിരുന്നു ചിത്രത്തിലെ പ്രണയ ജോഡികളായ രാജും സിമ്രാനും ആദ്യമായി സിനിമയിൽ കണ്ടുമുട്ടിയ സ്ഥലം. ബോളിവുഡ് മാന്ത്രികതയുടെ സ്പർശം യുകെയുടെ ഹൃദയത്തിലേക്ക് കൊണ്ടുവന്ന പ്രത്യേക നിമിഷമായിരുന്നു ഇത്.
ഷാരൂഖും കാജോളും ലെസ്റ്റർ സ്ക്വയറിൽ സ്ഥാപിച്ച അവരുടെ കഥാപാത്രങ്ങളുടെ വെങ്കല പ്രതിമ അനാച്ഛാദനം ചെയ്തു. പിന്നീട് ‘ മെഹന്ദി ലഗാ കെ രഖ്ന’ എന്ന ഹിറ്റ് ഗാനത്തിലെ പ്രിയപ്പെട്ട നൃത്ത പോസിൽ ഇരുവരും മാധ്യമങ്ങൾക്കായി പോസ് ചെയ്തു.
“ഈ നിമിഷം ഒരു ചരിത്ര നാഴികക്കല്ലാണ്. സീൻസ് ഇൻ ദി സ്ക്വയർ ട്രെയിലിൽ ഒരു പ്രതിമ സ്ഥാപിച്ച് ആദരിക്കപ്പെടുന്ന ആദ്യത്തെ ഇന്ത്യൻ സിനിമയാണ് ഡിഡിഎൽജെ എന്നതിൽ അവിശ്വസനീയമാം വിധം സന്തോഷമുണ്ട്. ഇത് സാധ്യമാക്കിയതിന് യുകെയിലെ എല്ലാവർക്കും വലിയ നന്ദി. നിങ്ങൾ ലണ്ടനിലാണെങ്കിൽ രാജിനെയും സിമ്രാനെയും കാണാൻ വരൂ… ഡിഡിഎൽജെയുമായി നിങ്ങൾ കൂടുതൽ ഓർമ്മകൾ സൃഷ്ടിക്കുന്നത് കാണാൻ ഞങ്ങൾ ആഗ്രഹിക്കുന്നു” ഷാരൂഖ് ഖാൻ ഇൻസ്റ്റാഗ്രാമിൽ പങ്കുവെച്ചു.
