പൻവേൽ ആസ്ഥാനമായ കേരളീയ കൾച്ചറൽ സൊസൈറ്റിയുടെ ആഭിമുഖ്യത്തിൽ വടംവലി മത്സരങ്ങൾ സംഘടിപ്പിക്കുന്നു.
മഹാരാഷ്ട്രയിലെ മലയാളി സാമൂഹിക, സാംസ്കാരിക, സാമുദായിക സംഘടനകളെയും, സ്ഥാപനങ്ങളെയും അതിർത്തി സംസ്ഥാനങ്ങളിൽ നിന്നുള്ളവരേയും ഉൾപ്പെടുത്തിയാണ് പുരുഷ / വനിതാ വിഭാഗങ്ങളുടെ ‘വടംവലി മത്സരം 2024’ സംഘടിപ്പിക്കുന്നത്.
ഡിസംബർ 8ന് ഞായറാഴ്ച ഉച്ചയ്‌ക്ക്‌ 02:00 മണിക്ക് ന്യൂ പൻവേൽ, സെക്ടർ നമ്പർ-2 ലെ ശാന്തിനികേതൻ സ്കൂളിന് അടുത്തുള്ള അംബേ മാതാ മന്ദിറിന് സമീപത്തെ മൈതാനത്ത് വച്ച് മത്സരങ്ങൾ നടക്കും.
മത്സരത്തിൽ പങ്കെടുക്കാൻ ആഗ്രഹിക്കുന്ന ടീമുകൾ രജിസ്ട്രേഷൻ ഫീസ് പുരുഷ വിഭാഗം ഒരു ടീമിന് 2,000/- രൂപയും വനിതാ ടീമിന് 1,500/- രൂപ സഹിതം നവംബർ 24ന് മുൻപ് പേര് രജിസ്റ്റർ ചെയ്യേണ്ടതാണെന്ന് സംഘാടകർ അറിയിച്ചു.
മത്സരത്തിൽ വിജയിക്കുന്ന ടീമുകൾക്ക് ക്യാഷ് അവാർഡും ട്രോഫിയും, പ്രശസ്തി പത്രവും സമ്മാനിക്കും. ഒന്നാം സ്ഥാനം കരസ്ഥമാക്കുന്ന പുരുഷ വിഭാഗം ടീമിന് 50,000, രണ്ടാംസ്ഥാനം – 25,000, മൂന്നാം സ്ഥാനം -5,111രൂപ. മത്സരത്തിൽ ഒന്നാം സ്ഥാനം കരസ്ഥമാക്കുന്ന വനിതാ വിഭാഗം ടീമിന് 15,111, രണ്ടാം സ്ഥാനം- 7,111 , മൂന്നാം സ്ഥാനം – 3,111 രൂപയും ലഭിക്കും.
കൂടാതെ മത്സരത്തിൽ പങ്കെടുക്കുന്ന മറ്റ് എല്ലാ ടീമുകൾക്കും ട്രോഫിയും, പ്രശസ്തി പത്രവും നൽകി ആദരിക്കുന്നതായിരിക്കുമെന്ന് സംഘടയ്ക്കുവേണ്ടി പ്രസിഡന്റ് മനോജ്‌കുമാർ എം.എസ് അറിയിച്ചു.
വിവരങ്ങൾക്ക് : 9967327424, 8879511868, 9920628702
- നവി മുംബൈ വിമാനത്താവളത്തെ പൂനെയുമായി ബന്ധിപ്പിക്കുന്ന കർജത്ത്-പൻവേൽ റെയിൽ പാത.
- നാസിക് കേരള സേവാ സമിതിക്ക് പുതിയ ഭാരവാഹികൾ
- സംഗീത നിശ കുടുംബ സംഗമം 2025 കണ്ണൂരിൽ
- സിബിഎസ്ഇ പ്ലസ് ടൂ ഹ്യൂമാനിറ്റീസ് വിഭാഗം: നന്ദന ഹരീഷ് 95.6% നേടി സ്കൂൾ ടോപ്പർ
- വേൾഡ് മലയാളി ഫെഡറേഷൻ മഹാരാഷ്ട്ര സ്റ്റേറ്റ് കൗൺസിൽ മഹാസമ്മേളനം ജൂൺ 14ന്
