മലയാള ഭാഷാ പ്രചാരണ സംഘത്തിന്റെ തുടക്ക കാലം മുതൽ സജീവമായി പ്രവർത്തിച്ച സുമ രാമചന്ദ്രൻ്റെ വേർപാടിൽ അനുശോചന യോഗം ജൂൺ 8, ഞായറാഴ്ച വൈകിട്ട് 5.30ന് വാശി കേരള ഹൗസിൽ സംഘടിപ്പിക്കും. പരിപാടിയുടെ വിശദീകരണം മലയാള ഭാഷാ പ്രചാരണ സംഘം നവി മുംബൈ മേഖലാ സെക്രട്ടറി അനിൽ പ്രകാശ് അറിയിച്ചു.

മുംബൈയിലെ മലയാളി സാംസ്‌കാരിക രംഗത്തും സംഘടനാ പ്രവർത്തനങ്ങളിലും അതുല്യമായ സമർപ്പണത്തോടെയും പ്രവർത്തനമികവോടെയും സജീവമായി പ്രവർത്തിച്ച സുമ രാമചന്ദ്രൻ്റെ നിര്യാണം ഭാഷാ പ്രചാരണ സംഘത്തിനും സാംസ്‌കാരിക സമൂഹത്തിനും നികത്താനാകാത്ത നഷ്ടമാണ്. നിരവധി ഭാഷാ-സാംസ്‌കാരിക പ്രവർത്തനങ്ങളിൽ മുൻനിരയിൽ നിന്നിരുന്ന സുമയുടെ സ്മരണയ്ക്കായാണ് അനുശോചന യോഗം.