മുംബൈയിലെ അറിയപ്പെടുന്ന മോഹിനിയാട്ടം കലാകാരിയായ ഡിംപിൾ ഗിരീഷിന്റെ മാർഗപ്രവേശം ഞായറാഴ്ച ജൂലൈ 27 വൈകുന്നേരം 6 മണിക്ക് തിരുവനന്തപുരം ടാഗോർ തീയേറ്ററിൽ അരങ്ങേറും.
ആലപ്പുഴ കായംകുളം സ്വദേശിയായ ഡിംപിൾ കഴിഞ്ഞ മൂന്ന് വര്ഷങ്ങളായി പ്രശസ്ത മോഹിനിയാട്ടം നർത്തകി നീന പ്രസാദിന്റെ കീഴിൽ പരിശീലനം നേടുകയാണ്. മുംബൈയിൽ ഉദ്യോഗമണ്ഡൽ വിക്രമൻ പിള്ളയോടൊപ്പം മോഹിനിയാട്ടം അഭ്യസിച്ചിരുന്നു. നാടകനടനത്തിലും എഴുത്തിലും സജീവ സാന്നിധ്യമാണ്. സാമൂഹിക പ്രവർത്തക കൂടിയായ ഡിംപിള് ഭർത്താവായ വ്യവസായി ഗിരീഷ് കുമാറുമായി ചേർന്ന് നിരവധി ജീവകാരുണ്യ പ്രവർത്തനങ്ങൾക്ക് നേതൃത്വം നൽകിയിട്ടുണ്ട്.
