നെരൂൾ : ശ്രീനാരായണ മന്ദിരസമിതി നെരൂൾ ഈസ്റ്റ് യൂണിറ്റിൻ്റെ ആഭിമുഖ്യത്തിൽ നെരൂൾ ഗുരുദേവഗിരിയിൽ ഗുരുസരണി എന്ന പരിപാടി ഉണ്ടായിരിക്കുമെന്ന് സെക്രട്ടറി വി.പി. പ്രദീപ് കുമാർ അറിയിച്ചു. ശനിയാഴ്ച ആഗസ്റ്റ് 9 വൈകിട്ട് 5.30 ന് ആരംഭിക്കുന്ന പരിപാടിയിൽ മന്ദിരസമിതി വനിതാ വിഭാഗം കൺവീനർ സുമാ പ്രകാശ് അധ്യക്ഷത വഹിക്കും. മായാ സഹജൻ, റോബി ശശിധരൻ, വിജയമ്മ ശശിധരൻ, ശ്രീജാ അനിൽ , ജനത, മോനിയമ്മ ഗംഗാധരൻ, എ.കെ. വിജയൻ എന്നിവർ പ്രസംഗിക്കും. ഉഷാസോമൻ, പ്രമീളാ നരേന്ദ്രൻ എന്നിവർ കൃതികൾ ആലപിക്കും.
ഉൽവെ മന്ദിരസമിതിയിൽ പൊതുയോഗവും ചോദ്യോത്തര പരിപാടിയും
ഉൽവെ : ശ്രീനാരായണ മന്ദിരസമിതി ഉൽവെ, ഉറൻ, ദ്രോണഗിരി യൂണിറ്റിലെ അംഗങ്ങളുടെ പൊതുയോഗവും സാംസ്കാരിക വിഭാഗവും, വനിതാ വിഭാഗവും ചേർന്ന് നടത്തിവരുന്ന ‘ ഗുരുവിനെ അറിയാൻ’ എന്ന പഠനക്ലാസ്സിന്റെ ഭാഗമായുള്ള ചോദ്യോത്തര പരിപാടിയും ഞായറാഴ്ച രാവിലെ 10. 30 മുതൽ ഉൽവെ സെക്ടർ 21 ലെ ശ്രീനാരായണ ഗുരു ഇൻ്റർനാഷണൽ സ്കൂളിൽ നടക്കുന്നതാണെന്ന് യൂണിറ്റ് സെക്രട്ടറി സജി കൃഷ്ണൻ അറിയിച്ചു. വരവ് ചിലവ് കണക്ക് അവതരണം , ഗുരുജയന്തി ആഘോഷത്തെക്കുറിച്ചുള്ള ചർച്ച എന്നിവ നടക്കും. മന്ദിരസമിതിയുടെയും വനിതാ, സാംസ്കാരിക വിഭാഗങ്ങളുടെയും ഭാരവാഹികൾ പങ്കെടുക്കും
