മലയാളി ഗായകർക്കായി ആൾ ഇൻഡ്യ മലയാളി അസോസിയേഷൻ (എയ്മ) സംഘടിപ്പിക്കുന്ന ദേശീയ മലയാള സംഗീത മത്സര പരിപാടി “എയ്മ വോയ്സ് 2025” മഹാരാഷ്ട്ര സംസ്ഥാനതല മത്സരം ഒക്ടോബർ 5ന് സി.ബി.ഡി ബെലാപൂരിലെ കൈരളി ഓഡിറ്റോറിയത്തിൽ നടക്കും. മലയാളം സെമി-ക്ലാസ്സിക്കൽ, മെലഡി ഗാനങ്ങൾ അടങ്ങുന്ന റൗണ്ടുകളാണ് മത്സരത്തിൽ ഉണ്ടാവുക.
സംസ്ഥാന-മേഖലാ തല മത്സരങ്ങളിലെ വിജയികൾക്ക് സർട്ടിഫിക്കറ്റുകളും ട്രോഫികളും സമ്മാനമായി ലഭിക്കും.
10 മുതൽ 15 വയസു വരെയുള്ള ജൂനിയർ, 16 മുതൽ 25 വയസു വരെയുള്ള സീനിയർ, 26 വയസിനു മുകളിലുള്ള സൂപ്പർ സീനിയർ എന്നീ മൂന്ന് വിഭാഗങ്ങളിലാണ് മത്സരങ്ങൾ. സംസ്ഥാന തല മത്സരങ്ങളിൽ നിന്നു ഓരോ ഗ്രൂപ്പിൽ നിന്നും മൂന്നു പേർ വീതം നവംബർ 16ന് നവി മുംബൈയിൽ നടക്കുന്ന മേഖലാതല മത്സരങ്ങൾക്കു തെരഞ്ഞെടുക്കപ്പെടും.
പങ്കെടുക്കാനാഗ്രഹിക്കുന്നവർ സെപ്റ്റംബർ 30 നു മുൻപായി www.myaima.org.in എന്ന വെബ്സൈറ്റിൽ പേർ രജിസ്റ്റർ ചെയ്യണമെന്ന് എയ്മ മഹാരാഷ്ട്ര ഘടകം പ്രസിഡന്റ ടി എ ഖാലിദ്, സെക്രട്ടറി എൻ നടരാജൻ എന്നിവർ അറിയിച്ചു. 500 രൂപയാണ് എൻട്രി ഫീസ്. കൂടുതൽ വിവരങ്ങൾക്ക് സോണൽ കോ-ഓർഡിനേറ്റർ ജി. കോമളൻ (Mob: 9967 330859) സംസ്ഥാന കോ-ഓർഡിനേറ്റർസ് അഡ്വ പ്രേമ മേനോൻ (Mob: 98921 80858), അഡ്വ രാഖി സുനിൽ (Mob: 98203 70060), സുമ മുകുന്ദൻ (Mob: 93248 85996) എന്നിവരുമായി ബന്ധപ്പെടാം.
