പ്രവാസികളുടെ പരാതികളിൽ കേസെടുത്ത് അന്വേഷിക്കാനും പരിഹരിക്കാനുമായി കേരളത്തിൽ നോർക്ക പോലീസ് സ്റ്റേഷൻ വരുന്നു.
പോലീസ് ആസ്ഥാനത്ത് അൻപതംഗ സേനയുമായാണ് തുടക്കം. ആഭ്യന്തര വകുപ്പിന്റെ ശുപാർശയിൽ ഉടൻ മുഖ്യമന്ത്രി പിണറായി വിജയൻ ഒപ്പിടുമെന്നാണ് വിവരം.
സംസ്ഥാനമെമ്പാടുമുള്ള കേസുകൾ ഈ സ്റ്റേഷനിൽ അന്വേഷിക്കും. പ്രവാസികൾക്കും തട്ടിപ്പിനിരയായവർക്കും സമയബന്ധിതമായി നീതി ഉറപ്പാക്കാൻ ലക്ഷ്യമിട്ടാണ് പഞ്ചാബിലെ മാതൃകയിലുള്ള ഈ നടപടി.
വിസത്തട്ടിപ്പ്, വ്യാജ റിക്രൂട്ട്മെന്റ്റ് തുടങ്ങിയ പരാതികളെല്ലാം പരിഗണിക്കും. നിലവിൽ എൻ.ആർ.ഐ. സെൽ വഴിയാണ് പ്രവാസികളുടെ പരാതികൾ കൈകാര്യംചെയ്യുന്നത്. ഇങ്ങനെ, വർഷത്തിൽ 8000 കേസ് റിപ്പോർട്ട് ചെയ്യുന്നുണ്ടെന്നാണ് കണക്കുകൾ.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | Every SATURDAY AT 4.30 P.M. | KAIRALI NEWS
