ഡോംബിവില്ലിയിലെ പലാവ സിറ്റിയിൽ പ്രവർത്തിക്കുന്ന ട്രൂ ഇന്ത്യൻ ഭരതനാട്യം ഡാൻസ് അക്കാദമിയുടെ വാർഷികാഘോഷം ജനുവരി 31 ശനിയാഴ്ച വൈകീട്ട് കസാ റിയോ പവാർ പബ്ലിക് സ്കൂൾ അങ്കണത്തിൽ ആഘോഷിച്ചു.
ഡാൻസ് റിയാലിറ്റി ഷോ താരവും പ്രശസ്ത നർത്തകിയുമായ അനന്യ കുറുപ്പ് പരിപാടി ഉദ്ഘാടനം ചെയ്തു. സിന്ധു നായർ അവതാരികയായി.
എഴുത്തുകാരി ഡോ. ശശികല പണിക്കർ, നാടക–സിനിമ താരം സുമ മുകുന്ദൻ, രാഖി സുനിൽ, വിജിതാശ്വൻ നായർ, പ്രവിത കുറുപ്പ്, ജോസ് വർഗീസ് എന്നിവർ ആശംസകൾ നേർന്നു. ശ്വേതാ വാരിയർ സമ്മാനദാനം നിർവഹിച്ചു.
അംബിക വാരസ്യാർ പരിപാടികൾ നിയന്ത്രിച്ചു. ട്രൂ ഇന്ത്യൻ ഡാൻസ് അക്കാദമിയിലെ നൂറിലധികം കലാകാരികളുടെ ഭരതനാട്യം നൃത്താവതരണങ്ങളും ചടങ്ങിൽ അരങ്ങേറി.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | Every SATURDAY AT 4.30 P.M. | KAIRALI NEWS
