ഗുരുദേവഗിരിയിൽ കലക്കും സാമൂഹിക ചിന്തക്കും ഒരുമിച്ച് വേദിയൊരുക്കി ലഘുനാടക അരങ്ങേറ്റം. ശ്രീനാരായണ മന്ദിര സമിതി മുംബൈയുടെ കലാക്ഷേത്രയിൽ അവതരിപ്പിച്ച “നിഴലുകൾക്കും നിറഭേദമോ” പ്രേക്ഷക ശ്രദ്ധ നേടി.
ഗുരുദേവഗിരി തീർഥാടനത്തോടനുബന്ധിച്ച് നെരൂൾ ഗുരുദേവഗിരിയിൽ ലഘുനാടക അവതരണം. ശ്രീനാരായണ മന്ദിര സമിതി മുംബൈയുടെ കലാക്ഷേത്രയ്ക്കായി ഒരുക്കിയ “നിഴലുകൾക്കും നിറഭേദമോ” എന്ന നാടകത്തിന്റെ രചനയും സംവിധാനവും സുനിൽ ഹെന്ററിയാണ് നിർവഹിച്ചത്.
അഞ്ച് കഥാപാത്രങ്ങളെ ആസ്പദമാക്കി തയ്യാറാക്കിയ 20 മിനിറ്റ് ദൈർഘ്യമുള്ള ഈ ലഘുനാടകം കലയും സാമൂഹിക ചിന്തയും ഒരുമിച്ച് അവതരിപ്പിക്കുന്നതാണ്. നാടകത്തിൽ എൻ. എസ്. രാജൻ, കെ. സുനിൽ കുമാർ, മനു മോഹൻ, ലത രമേശൻ, ഷീബ സുനിൽ എന്നിവർ പ്രധാന വേഷങ്ങളിലെത്തി.
കലാകാരന്മാർക്ക് വേദിയൊരുക്കണമെന്ന ആശയം സമിതി പ്രസിഡന്റ് എം. ഐ. ദാമോദരനാണ് മുന്നോട്ടുവച്ചത്. കഴിഞ്ഞ പത്ത് വർഷമായി നാടക രംഗത്ത് സജീവമായ സംവിധായകൻ സുനിൽ ഹെന്ററി ടെലിവിഷൻ സീരിയലുകൾ, സിനിമകൾ, വെബ് സീരീസുകൾ, ഷോർട്ട് ഫിലിമുകൾ എന്നിവയിലൂടെയും ശ്രദ്ധേയനാണ്.
മുംബൈ കലാക്ഷേത്രയുടെ ബാനറിൽ അരങ്ങേറുന്ന രണ്ടാമത്തെ നാടകമാണിതെന്ന് ജനറൽ സെക്രട്ടറി ഓ കെ പ്രസാദ് പറഞ്ഞു.
കലാസ്നേഹികളുടെ മനസ്സിൽ ഇടംപിടിച്ച അവതരണമേന്മയിൽ കൂടുതൽ വേദി ലഭിക്കുമെന്ന പ്രതീക്ഷയിലാണ് കലാക്ഷേത്രയുടെ അണിയറ പ്രവർത്തകർ
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
