പരമ്പരാഗത വാർഷിക ഓണം ആഘോഷത്തിന് പുറമെ, ദഹിസര് മലയാളി സമാജം സംഘടിപ്പിക്കുന്ന സായാഹ്ന കുടുംബ സംഗമം ‘സ്വാദും സ്വരവും’ ഫെബ്രുവരി 7ന് ശനിയാഴ്ച വൈകിട്ട് 6.30 മുതൽ ദഹിസറിലെ DSF സമുച്ചയത്തിന്റെ താഴത്തെ നിലയിലെ ഓഡിറ്റോറിയത്തിൽ നടക്കും.
കേരളത്തിന്റെ രുചിവൈവിധ്യം അവതരിപ്പിക്കുന്ന ‘സ്വാദ്’ വിഭാഗത്തിൽ, സമാജം ലേഡീസ് വിംഗ് ഒരുക്കുന്ന പരമ്പരാഗത വിഭവങ്ങളുള്ള നിരവധി ഭക്ഷണ സ്റ്റാളുകളും വിവിധ എക്സിബിഷൻ കൗണ്ടറുകളും ഒരുക്കിയിട്ടുണ്ട്.
അതേസമയം, ‘സ്വരം’ വിഭാഗത്തിൽ ബോറിവലി പാട്ടുപെട്ടി ക്ലബ് അവതരിപ്പിക്കുന്ന തത്സമയ സംഗീത സന്ധ്യയാണ് പ്രധാന ആകർഷണം. ഗ്രൂപ്പ് ഗാനങ്ങൾ, പഴയതും പുതുതുമായ ചലച്ചിത്ര–നാടക ഗാനങ്ങൾ, നാടൻപാട്ടുകൾ എന്നിവ ഉൾപ്പെടുത്തി സംഗീതവും നൊസ്റ്റാൾജിയയും ഒരുമിക്കുന്ന സന്ധ്യയാകുമെന്ന് പ്രോഗ്രാം കമ്മിറ്റി അറിയിച്ചു.
📞 കൂടുതൽ വിവരങ്ങൾക്ക്: 9321219374
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
