ഡോംബിവ്ലി കേരളീയ സമാജത്തിന്റെ പ്രതിമാസ സാഹിത്യസായാഹ്നം ഈ മാസം ഏപ്രിൽ 11-ാം തീയതി ശനിയാഴ്ച വൈകുന്നേരം 6:30-ന് സമാജം ഹാളിൽ അരങ്ങേറും. സാഹിത്യസ്നേഹികൾക്ക് അറിവിന്റെയും ആസ്വാദനത്തിന്റെയും അപൂർവ്വ വേദിയായി മാറുന്ന ഇത്തരം സംഗമങ്ങൾ, സമൃദ്ധമായ സാംസ്കാരിക ഇടപെടലുകൾക്കാണ് വഴിയൊരുക്കുന്നത്.
കാക്കനാടൻ അവാർഡും കോവിലൻ സ്മാരക അവാർഡും ഉൾപ്പെടെ നിരവധി പുരസ്കാരങ്ങൾ നേടിയ എഴുത്തുകാരൻ വാസൻ വീരച്ചേരി രചിച്ച “സ്വപ്നങ്ങൾക്കുമപ്പുറം” എന്ന കഥാസമാഹാരത്തെ ആസ്പദമാക്കിയാണ് ഇക്കുറി അവലോകനവും ചർച്ചയും സംഘടിപ്പിച്ചിരിക്കുന്നത്. അവതാരകനായ ശ്യാം ലാൽ പരിപാടിയുടെ അവതരണവും ചർച്ചാനിയന്ത്രണവും നിർവ്വഹിക്കും.
കേരളീയ സമാജം ജനറൽ സെക്രട്ടറി രാജശേഖരൻ നായർ അധ്യക്ഷത വഹിക്കുന്ന ചടങ്ങിൽ സാഹിത്യപ്രേമികളും സാമൂഹിക പ്രവർത്തകരും ഉൾപ്പെടെ നിരവധി പേർ പങ്കെടുക്കുമെന്ന് ആർട്സ് & കൾച്ചർ സെക്രട്ടറി സുരേഷ് ബാബു കെ. കെ.യും കൺവീനർ ജോയ് ഗുരുവായൂരും അറിയിച്ചു.
പരിപാടി വിശദാംശങ്ങൾ:
തീയതി: ഏപ്രിൽ 11, ശനിയാഴ്ച
സമയം: വൈകിട്ട് 6:30
വേദി: കേരളീയ സമാജം ഹാൾ, ഡോംബിവ്ലി ഈസ്റ്റ്
(റെയിൽവേ സ്റ്റേഷനുസമീപം – 2nd Floor, Subham Karoti Building, Opp: Bus Stand, Bajiprabhu Chowk)
കൂടുതൽ വിവരങ്ങൾക്ക്: 77150 57407 / 98208 86717
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
