ഡോംബിവ്ലി കേരളീയ സമാജം സംഘടിപ്പിക്കുന്ന വിഷു ഈസ്റ്റർ ആഘോഷങ്ങൾ ഏപ്രിൽ 12 ഞായറാഴ്ച വൈകീട്ട് 5 മണിക്ക് ആരംഭിക്കും. ഡോംബിവ്ലി വെസ്റ്റ് കുബർഖാൻ പാട തുഞ്ചൻ സ്മാരക ഹാളിൽ നടക്കുന്ന പരിപാടിയിൽ സിനിമ ടെലിവിഷൻ താരം അനീഷ് രവി മുഖ്യാതിഥിയായിരിക്കും. ചലച്ചിത്ര-സീരിയൽ താരം ശാലു കുര്യൻ വിശിഷ്ടാതിഥിയായി സാംസ്കാരിക സമ്മേളനത്തിൽ പങ്കെടുക്കും.
കൈനീട്ടത്തിന്റെ സ്നേഹവും, ഈസ്റ്റർ മധുരവും, വിഷുസദ്യയുടെ സമൃദ്ധിയുമായി ആഘോഷ രാവിനെ അവിസ്മരണീയമാക്കുവാനുള്ള തയ്യാറെടുപ്പിലാണ് സമാജം ഭാരവാഹികൾ. പ്രസിഡന്റ് ഇ പി വാസു, ചെയർമാൻ വർഗ്ഗീസ് ഡാനിയൽ, ജനറൽ സെക്രട്ടറി രാജശേഖരൻ നായർ, ആർട്സ് ആൻഡ് കൾച്ചറൽ സെക്രട്ടറി സുരേഷ്ബാബു കെ കെ എന്നിവരടങ്ങുന്ന ഭരണസമിതി ചടങ്ങുകൾക്ക് നേതൃത്വം നൽകും.
അംഗങ്ങൾ അവതരിപ്പിക്കുന്ന കലാപരിപാടികളും അരങ്ങേറും.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | APRIL 11 2026 SATURDAY 4.30 P.M. | KAIRALI NEWS
