മലയാളി സമാജം ഫൗണ്ടേഷന്റെ ഘൺസോളി ഘടകത്തിന് കീഴിൽ പ്രവർത്തിക്കുന്ന ‘ധ്വനി കലാക്ഷേത്ര’യിലെ വിദ്യാർത്ഥികളുടെ പഞ്ചാരി മേളം അരങ്ങേറ്റം ഈ ഞായറാഴ്ച (ഏപ്രിൽ 12, 2026) വൈകിട്ട് 6 മണി മുതൽ ഘൺസോളി ശ്രീ മൂകാംബിക ദേവി ക്ഷേത്രത്തിൽ സംഘടിപ്പിക്കുന്നു.
പ്രശസ്ത കലാകാരനും പരിശീലകനുമായ ശരത് നായരുടെ നേതൃത്വത്തിൽ ചെണ്ടവാദ്യം അഭ്യസിച്ച ഏഴ് വിദ്യാർത്ഥികളാണ് ആദ്യമായി പഞ്ചാരി മേളം അവതരിപ്പിക്കുന്നത്. ദീർഘകാല പരിശീലനത്തിനും കഠിനാധ്വാനത്തിനും ശേഷമുള്ള ഈ അരങ്ങേറ്റം വിദ്യാർത്ഥികൾക്കും കലാക്ഷേത്രത്തിനും ഒരുപോലെ അഭിമാന നിമിഷമാണ്.
കേരളത്തിന്റെ തനത് ക്ഷേത്രകലാരൂപമായ പഞ്ചാരി മേളം, താളസമന്വയവും സംഘാടനമികവും ആവശ്യമായ ഒരു ദൃശ്യ-ശ്രാവ്യ വിരുന്നാണ്. ഈ കലാരൂപത്തിലൂടെ പുതുതലമുറയെ പരിശീലിപ്പിക്കുകയും സംരക്ഷിക്കുകയും ചെയ്യുന്നതിൽ ‘ധ്വനി കലാക്ഷേത്ര’ നിർണായക പങ്കുവഹിച്ചുവരികയാണ്.
സംഘടനാ പ്രവർത്തകരും പ്രദേശവാസികളും ഈ സാംസ്കാരിക ആഘോഷത്തിൽ പങ്കുചേരാൻ സ്വാഗതം ചെയ്തിട്ടുണ്ട്. കലാപ്രേമികൾക്ക് അപൂർവ്വമായ ഒരു അനുഭവമായിരിക്കും ഈ അരങ്ങേറ്റമേളമെന്ന് സംഘാടകർ അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | APRIL 11 2026 SATURDAY 4.30 P.M. | KAIRALI NEWS
