മുംബൈ: ഓണാഘോഷങ്ങളുടെ ഭാഗമായി ബോംബെ കേരളീയ സമാജം 14 വയസിന് മുകളിലുള്ളവർക്കായി കൈകൊട്ടിക്കളി മത്സരം സംഘടിപ്പിക്കുന്നു. 2026 ഓഗസ്റ്റ് 23-ന് (ഞായറാഴ്ച) രാവിലെ 9 മണി മുതൽ മാട്ടുംഗയിലെ മൈസൂർ അസോസിയേഷൻ ഹാളിൽ മത്സരങ്ങൾ നടക്കും.
ഓരോ ടീമിലും എട്ട് അംഗങ്ങൾ ഉണ്ടായിരിക്കണം. ഓരോ ടീമിനും 10 മിനിറ്റാണ് അവതരണത്തിനായി അനുവദിച്ചിരിക്കുന്ന സമയം.
പങ്കെടുക്കാൻ താൽപര്യമുള്ള സംഘടനകൾ എത്രയും വേഗം സമാജം ഓഫീസിൽ നിന്ന് രജിസ്ട്രേഷൻ ഫോം ശേഖരിച്ച് ടീമുകൾ രജിസ്റ്റർ ചെയ്യണമെന്ന് സംഘാടകർ അറിയിച്ചു. രജിസ്ട്രേഷൻ ഫോമുകൾ ഇ-മെയിൽ അല്ലെങ്കിൽ വാട്ട്സ്ആപ്പ് വഴിയും സമർപ്പിക്കാവുന്നതാണ്. ഫോം ലഭിച്ചിട്ടുണ്ടെന്ന് ഫോൺ മുഖേന സ്ഥിരീകരിക്കണമെന്നും അറിയിപ്പിൽ പറയുന്നു.
രജിസ്ട്രേഷൻ കാലയളവ്: 2026 ജൂലൈ 10 മുതൽ 20 വരെ.
കൂടുതൽ വിവരങ്ങൾക്ക്: 83693 49828, 90049 46857
ഇ-മെയിൽ: bksamaj@gmail.com
