മുംബൈയിലെ പ്രമുഖ മലയാളി നോവലിസ്റ്റും പ്രഭാഷകനുമായ സി.പി. കൃഷ്ണകുമാർ മുംബൈ സാഹിത്യവേദിയിൽ ചെറുകഥകൾ അവതരിപ്പിക്കുന്നു. മുംബൈയിലെ മലയാള സാഹിത്യ ചർച്ചാവേദിയുടെ ആഭിമുഖ്യത്തിൽ ജൂലൈ 5, ഞായറാഴ്ച വൈകിട്ട് 4.30ന് മാട്ടുങ്കയിലെ കേരള ഭവനിൽ നടക്കുന്ന പരിപാടിയിൽ സാഹിത്യാസ്വാദകരും എഴുത്തുകാരും സാംസ്കാരിക പ്രവർത്തകരും പങ്കെടുക്കും.
സമകാലിക ജീവിതവും മനുഷ്യബന്ധങ്ങളിലെ സങ്കീർണതകളും ലളിതമായ ഭാഷയിലൂടെ ആവിഷ്കരിക്കുന്ന എഴുത്തുകാരനെന്ന നിലയിൽ സി.പി. കൃഷ്ണകുമാർ ശ്രദ്ധേയനാണ്. മുംബൈയിലെ മലയാളി സാഹിത്യലോകത്ത് നോവലിസ്റ്റ്, കഥാകൃത്ത്, പ്രഭാഷകൻ എന്നീ നിലകളിൽ വ്യക്തിമുദ്ര പതിപ്പിച്ച അദ്ദേഹം, നിരവധി സാഹിത്യ-സാംസ്കാരിക വേദികളിലെ സ്ഥിരം സാന്നിധ്യമാണ്.
ഈ സംവാദത്തിൽ കൃഷ്ണകുമാറിന്റെ ചെറുകഥകളിലെ പ്രമേയങ്ങൾ, കഥാപാത്ര സൃഷ്ടി, ഭാഷാശൈലി, സാമൂഹിക പ്രസക്തി എന്നിവ വിശദമായി വിലയിരുത്തും. ഒരിടവേളക്ക് ശേഷമാണ് കൃഷ്ണകുമാർ സാഹിത്യവേദിയിൽ കഥകൾ അവതരിപ്പിക്കുന്നത്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും. AMCHI MUMBAI | Every Saturday | 4:30 PM | Kairali News
