ഉല്ലാസ്നഗർ അയ്യപ്പപൂജസമിതിയുടെ ആഭിമുഖ്യത്തിൽ കുട്ടികളുടെ തായമ്പക അരങ്ങേറ്റം നടക്കുന്നു. ഞായറാഴ്ച വൈകീട്ട് ഉല്ലാസ്നഗർ സനെ ഗുരുജി നഗറിലുള്ള അയ്യപ്പക്ഷേത്രസമുച്ചയത്തിൽ നടക്കുന്ന പരിപാടിയിൽ പാലക്കാട് സദനം സ്ഥാപനത്തിന്റെ വകുപ്പ് മേധാവി പ്രൊഫ. സദനം രാമകൃഷ്ണൻ മുഖ്യാതിഥിയാകും.
രാവിലെ ഏഴര മുതൽ പതിനൊന്നര വരെ പാഞ്ചാരി മേളത്തിൽ അരങ്ങേറ്റം കുറിക്കും. വൈകീട്ട് 5.45 മുതൽ 6.30 വരെ തായമ്പകയിലും തുടർന്ന് 6.45 മുതൽ 8.30 കെയർ പാണ്ടി മേളത്തിലും അരങ്ങേറ്റം കുറിക്കുമെന്ന് സംഘാടകർ അറിയിച്ചു.
18 ആൺകുട്ടികളും ഏഴു പെൺകുട്ടികളുമാണ് തായമ്പകയിൽ അരങ്ങേറ്റം കുറിക്കുന്നത്. അഖിൽ കൈമളിന്റെ ശിക്ഷണത്തിലാണ് ഇവർ അഭ്യസിച്ചത്.