നവി മുംബൈ: സാഹിത്യ സൗഹൃദസംഘം സംഘടിപ്പിക്കുന്ന മൂന്നാമത് ഇ.ഐ.എസ്. തിലകൻ സ്മാരക കവിതാ പുരസ്കാരത്തിന് രചനകൾ ക്ഷണിച്ചു. കേരളത്തിന് പുറത്ത് ഇന്ത്യയിലെ വിവിധ സംസ്ഥാനങ്ങളിൽ താമസിക്കുന്ന മലയാളി എഴുത്തുകാർക്ക് മത്സരത്തിൽ പങ്കെടുക്കാം.
വിഷയനിബന്ധനയില്ല. 30 വരികളിൽ കവിയാത്തതും നാല് മിനിറ്റിനകം അവതരിപ്പിക്കാൻ കഴിയുന്നതുമായ കവിതകളാണ് മത്സരത്തിന് അയക്കേണ്ടത്. സോഷ്യൽ മീഡിയ ഉൾപ്പെടെയുള്ള ഏതെങ്കിലും മാധ്യമങ്ങളിൽ മുമ്പ് പ്രസിദ്ധീകരിച്ചിട്ടില്ലാത്ത, മത്സരാർഥിയുടെ സ്വന്തം രചനയായിരിക്കണം. ഒരാൾക്ക് ഒരു കവിത മാത്രമേ അയക്കാനാകൂ.
മത്സരത്തിനായി സമർപ്പിക്കുന്ന കവിതയിൽ കവിയുടെ പേര് രേഖപ്പെടുത്താൻ പാടില്ല. കവിത, രചയിതാവിന്റെ ബയോഡാറ്റ, ഫോട്ടോ എന്നിവ പ്രത്യേകം രണ്ട് പേജുകളിലായി തയ്യാറാക്കി സമർപ്പിക്കണം.
ടൈപ്പ് ചെയ്ത കവിതയും അനുബന്ധ വിവരങ്ങളും poetrycarnival123@gmail.com എന്ന ഇ-മെയിൽ വിലാസത്തിൽ സെപ്റ്റംബർ 23ന് മുമ്പായി അയക്കണം.
ഒക്ടോബർ രണ്ടാം വാരത്തിൽ വിജയിയെ പ്രഖ്യാപിക്കും. നവംബർ ഒന്നിന് നവി മുംബൈയിൽ നടക്കുന്ന ചടങ്ങിൽ പുരസ്കാരം സമ്മാനിക്കും.
കുറിപ്പ്: മുൻ വർഷങ്ങളിലെ ജേതാക്കളുടെ രചനകൾ ഈ മത്സരത്തിന് പരിഗണിക്കുന്നതല്ല.
കൂടുതൽ വിവരങ്ങൾക്ക്:
ലിനോദ് വർഗീസ് – 96190 93279
സജിനി രാഗസുധ – 99238 85426
തുളസി മണിയാർ – 9930878253
മുരളീധരൻ വലിയവീട്ടിൽ – 9823884778
കൂടുതൽ വിവരങ്ങൾക്കായി മുകളിൽ നൽകിയിരിക്കുന്ന നമ്പറുകളിൽ ബന്ധപ്പെടാവുന്നതാണ്.
മഹാരാഷ്ട്രയിലെ വാർത്തകളും വിശേഷങ്ങളും വിശകലനവും*
AMCHI MUMBAI
Connecting the Dream City
Every Saturday | 4:30 PM
Kairali News
