മുംബൈ: ബോംബെ കേരളീയ സമാജത്തിന്റെ ഈ വർഷത്തെ ഓണാഘോഷ പരിപാടികൾ സെപ്റ്റംബർ 6 ഞായറാഴ്ച രാവിലെ 9.30 മുതൽ സയൺ മാനവസേവാ ഹാളിൽ നടക്കും. മാട്ടുംഗ പോലീസ് സ്റ്റേഷന് സമീപമാണ് വേദി.
കേരള, തമിഴ്നാട് ഗവർണർ രാജേന്ദ്ര വിശ്വനാഥ് ആർലേക്കർ ചടങ്ങിൽ മുഖ്യാതിഥിയായി പങ്കെടുക്കും.
സാംസ്കാരിക സമ്മേളനത്തോടനുബന്ധിച്ച് ‘വിശാല കേരളം’ പ്രസിദ്ധീകരണത്തിന്റെ പ്രകാശനവും സമാജത്തിന്റെ മുൻകാല മുതിർന്ന പ്രവർത്തകരെ ആദരിക്കുന്ന ചടങ്ങും നടക്കും.
സമാജം അംഗങ്ങളും നൃത്തവിദ്യാർഥികളും അവതരിപ്പിക്കുന്ന വിവിധ കലാപരിപാടികൾക്കൊപ്പം പൻവേൽ നാട്യാഞ്ജലി ആർട്സ് & കൾച്ചറൽ അസോസിയേഷൻ അവതരിപ്പിക്കുന്ന നൃത്തശിൽപ്പവും അരങ്ങേറും. എസ്.എസ്.സി., എച്ച്.എസ്.സി. പരീക്ഷകളിൽ മികച്ച വിജയം നേടിയ സമാജം അംഗങ്ങളുടെ കുട്ടികളെയും ചടങ്ങിൽ ആദരിക്കും.
പൂക്കളം, താലപ്പൊലി, ഓണസദ്യ എന്നിവ ആഘോഷങ്ങൾക്ക് കൂടുതൽ നിറപ്പകിട്ടേകും.
വിശദ വിവരങ്ങൾക്ക്:
📞 8369349828 / 8779449828
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI | Every Saturday | 4:30 PM | Kairali News
