ഡോംബിവ്‌ലി: കേരളത്തിന്റെ തനത് സംസ്കാരവും ഓണപ്പാരമ്പര്യവും ആഘോഷമാക്കി നായർ വെൽഫെയർ അസോസിയേഷന്റെ (NWA) 38-ാമത് വാർഷിക ദിനാഘോഷവും ഓണാഘോഷവും സെപ്റ്റംബർ 27ന് ഞായറാഴ്ച ഡോംബിവ്‌ലിയിൽ നടക്കും. രാവിലെ 9 മുതൽ വൈകിട്ട് 3.30 വരെ ഭോപ്പർ റോഡ് നന്ദിവ്‌ലിയിൽ ശ്രീ വരദ് സിദ്ധിവിനായക് സേവാ മണ്ഡലിലാണ് പരിപാടികൾ സംഘടിപ്പിക്കുന്നത്.

ഓണത്തിന്റെ പാരമ്പര്യവും മലയാളി സംസ്കാരത്തിന്റെ വൈവിധ്യവും കോർത്തിണക്കിയുള്ള ആഘോഷത്തിൽ വിവിധ കലാ-സാംസ്കാരിക പരിപാടികളും അരങ്ങേറും. കുടുംബാംഗങ്ങളെയും സമൂഹത്തിലെ വിവിധ വിഭാഗങ്ങളെയും ഒരുമിപ്പിക്കുന്ന ആഘോഷമായി പരിപാടി സംഘടിപ്പിക്കുമെന്ന് സംഘാടകർ അറിയിച്ചു.

സ്വരൂപിന്റെ അരങ്ങേറ്റം…

ഡോംബിവ്‌ലിയിലെ മികച്ച പല ഗായകരും തങ്ങളുടെ ആദ്യകാല വേദി പ്രകടനങ്ങൾ കാഴ്ചവെച്ച വേദിയാണ് നായർ വെൽഫെയർ അസോസിയേഷൻ. ഇപ്പോൾ സ്വരൂപ് രമേശും തന്റെ അരങ്ങേറ്റ പ്രകടനവുമായി ഈ വേദിയിലെത്തുകയാണ്.

ഡോംബിവ്‌ലിയിലെ കലാ-സാംസ്കാരിക രംഗത്തെ തിളക്കമാർന്ന വ്യക്തിത്വമായിരുന്നു അന്തരിച്ച ശ്രീ സി. കെ. രമേശ്. അദ്ദേഹത്തിന്റെ ഏക മകനായ സ്വരൂപ് രമേശ്, വരും ഞായറാഴ്ച നടക്കുന്ന NWA ഓണാഘോഷ വേദിയിൽ ഓണപ്പാട്ടുമായി പ്രേക്ഷകർക്ക് മുന്നിലെത്തും.

പുതുതലമുറയുടെ കലാപ്രതിഭകൾക്ക് വേദിയൊരുക്കുന്നതിലൂടെ ഡോംബിവ്‌ലിയുടെ സാംസ്കാരിക പാരമ്പര്യം മുന്നോട്ടുകൊണ്ടുപോകുന്നതിന്റെ ഭാഗമായാണ് സ്വരൂപിന്റെ അരങ്ങേറ്റവും ശ്രദ്ധേയമാകുന്നത്.

മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI | Every Saturday | 4:30 PM | Kairali News