ഓണാഘോഷങ്ങളുടെ ഭാഗമായി രാഗലയയും കേരള ഇൻ മുംബൈയും സംയുക്തമായി സംഘടിപ്പിക്കുന്ന സംഗീത-നൃത്ത സന്ധ്യ ‘പൊന്നോണ തരംഗിണി’ സെപ്റ്റംബർ 27ന് ഞായറാഴ്ച വൈകിട്ട് 6 മണി മുതൽ മാരോൾ എജ്യുക്കേഷൻ അക്കാദമിയിലെ ഐശ്വര്യ ഓഡിറ്റോറിയത്തിൽ നടക്കും.
കഴിഞ്ഞ 25 വർഷമായി സംഗീതപരിപാടികൾ സംഘടിപ്പിച്ചുവരുന്ന രാ ഗലയ, മുംബൈയിലെ നിരവധി പ്രതിഭാധനരായ ഗായകർക്ക് വേദിയൊരുക്കുന്നതിൽ ശ്രദ്ധേയമായ പങ്കുവഹിച്ചുവരുന്നു. ‘പൊന്നോണ തരംഗിണി’യിലും മുംബൈയിലെ വിവിധ മേഖലകളിൽ നിന്നുള്ള ഗായകരുടെയും കലാകാരന്മാരുടെയും സംഗീത-നൃത്ത പരിപാടികൾ അരങ്ങേറും.
മാരോൾ, ഭവാനി നഗറിൽ നടക്കുന്ന പരിപാടിയിലേക്കുള്ള പ്രവേശനം സൗജന്യമാണ്. പങ്കെടുക്കാൻ താൽപര്യമുള്ളവർ മുൻകൂട്ടി പേര് രജിസ്റ്റർ ചെയ്യണം. രജിസ്ട്രേഷനും കൂടുതൽ വിവരങ്ങൾക്കും 7045790857 എന്ന മൊബൈൽ നമ്പറിൽ ബന്ധപ്പെടാം.
പരിപാടിക്കുശേഷം അത്താഴവും ഉണ്ടായിരിക്കും.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI | Every Saturday | 4:30 PM | Kairali News
