ഗ്രന്ഥശാലാ പ്രസ്ഥാനത്തിന്റെ പിതാവ് എന്നറിയപ്പെടുന്ന യശശരീരനായ പി എൻ പണിക്കരുടെ അനുസ്മരണാർഥം കേരളീയ കേന്ദ്ര സംഘടന 2014 മുതൽ നടത്തി വരുന്ന വായനോത്സവത്തിന്റെ ഈ വർഷത്തെ പരിപാടികളുടെ ഉദ്ഘാടനം ബോംബേ മലയാളി സമാജം കഷ്മീരയുടെ സ്കൂൾ അങ്കണത്തിൽ നടന്നു . പ്രശസ്ത സാഹിത്യകാരൻ സി. പി. കൃഷ്ണകുമാർ ഉദ്ഘാടനം ചെയ്ത ചടങ്ങിൽ, കെ.കെ.എസ്സ് പ്രസിഡണ്ട് ടി.എൻ. ഹരിഹരൻ അധ്യക്ഷത വഹിച്ചു.
മലയാളം മിഷൻ മുംബൈ ചാപ്റ്റർ അധ്യക്ഷൻ ഡോ: എ വേണുഗോപാൽ വയാനോൽസവത്തിന്റെ പ്രാധാന്യത്തെ കുറിച്ച് സംസാരിച്ചു . ബോംബെ മലയാളി സമാജം സെക്രട്ടറി ശ്യാം പങ്കജാക്ഷൻ നന്ദി പ്രകാശിപ്പിച്ചു . പശ്ചിമ മേഖലയിലെ വിവിധ സമാജങ്ങളിൽ നിന്ന് കലാപരിപാടികൾ അവതരിച്ചിച്ചു.
ജൂലൈ മാസത്തിൽ സമാജ തലത്തിലും, ഓഗസ്റ്റ് മാസത്തിൽ മേഖല തലത്തിലും , സെപ്റ്റംബർ ആദ്യ വാരത്തിൽ ഫൈനൽ മത്സരങ്ങളും നടക്കുന്ന രീതിയിലാണ് വയാനോത്സവം 2024 ചിട്ടപ്പെടുത്തിയിരിക്കുന്നത് . പത്താം ക്ലാസ്സ് വരെ യുള്ള കുട്ടികളിൽ മലയാളം വായന, കവിത ചൊല്ലൽ, പ്രസംഗം, കേരള പ്രശ്നോത്തരി, വായനനുഭവം എന്നീ ഇനങ്ങളിലാണ് മത്സരം. ഒന്നും രണ്ടും സ്ഥാനം ലഭിക്കുന്ന മത്സര വിജയികൾക്ക് സർട്ടിഫിക്കറ്റും ക്യാഷ് അവാർഡും നല്കും. വിശദവിവരങ്ങൾ അതതു പ്രദേശത്തെ മലയാളി സമാജങ്ങളിൽ ലഭ്യമാണ് . കൂടുതൽ വിവരങ്ങൾക്ക് 9920973797 (ശ്രീകുമാർ )
- നിത്യജീവിതവുമായി ബന്ധപ്പെട്ട കലാരൂപമാണ് നൃത്തമെന്ന് ചലച്ചിത്ര നടനും ക്ലാസിക്കൽ നർത്തകനുമായ വിനീത് കുമാർ
- ടി.ടി.എഫ്.എ.സി-മലയാളം മിഷൻ പ്രവേശനോത്സവം
- കണ്ണ് ശസ്ത്രക്രിയയ്ക്ക് മണിക്കൂറുകൾക്കകം ചികിത്സാസഹായം; AIKMCC മഹാരാഷ്ട്രയുടെ മാതൃകാപരമായ ഇടപെടൽ
- പ്രതീക്ഷ ഫൗണ്ടേഷൻ ഓണാഘോഷത്തിൽ കേരള ഗവർണ്ണർ പങ്കെടുക്കും
- മതപരിവർത്തന നിയമം ന്യൂനപക്ഷങ്ങളെ വേട്ടയാടാനുള്ള ആയുധമാകരുത്; ഭരണഘടനാവകാശങ്ങൾ സംരക്ഷിക്കപ്പെടണം: ജോജോ തോമസ്
