മുംബൈയിൽ അന്ധേരി ലോഖണ്ഡ്‌വാല കോംപ്ലക്‌സിലെ നാലാം ക്രോസ് റോഡിൽ സ്ഥിതി ചെയ്യുന്ന റിയ പാലസ് കെട്ടിടത്തിൻ്റെ പത്താം നിലയിലാണ് രാവിലെ എട്ട് മണിയോടെ തീപിടിത്തമുണ്ടായതെന്ന് സിവിൽ ഉദ്യോഗസ്ഥർ പറഞ്ഞു. സംഭവത്തിൽ മൂന്ന് പേർ മരിച്ചു.
ഗുരുതരമായ പൊള്ളലേറ്റ നിലയിലാണ് മൂന്ന് പേരെ കൂപ്പർ ആശുപത്രിയിലെത്തിച്ചത്. ജീവൻ രക്ഷിക്കാനായില്ല.
ചന്ദ്രപ്രകാശ് സോണി (74), കാന്ത സോണി (74), പെലുബെറ്റ (42) എന്നിവരാണ് മരിച്ചത്.
രാവിലെ ഒമ്പത് മണിയോടെയാണ് തീയണച്ചതെന്ന് അഗ്നിശമനസേനാ ഉദ്യോഗസ്ഥൻ പറഞ്ഞു. തീപിടിത്തത്തിൻ്റെ കാരണം ഇതുവരെ കണ്ടെത്താനായിട്ടില്ലെന്ന് ഉദ്യോഗസ്ഥർ പറഞ്ഞു
