മഹാരാഷ്ട്ര ഇങ്ങെടുക്കണമെന്ന് പറഞ്ഞായിരുന്നു സുരേഷ് ഗോപി മുംബൈയിലെ യോഗങ്ങളിൽ തൃശൂർ ശൈലി ആവർത്തിച്ചത്
മീരാ റോഡ്, വസായ്, ഡോംബിവ്‌ലി, കല്യാൺ, നെരൂൾ, പൻവേൽ തുടങ്ങി കേരള സെൽ ബിജെപി പ്രവർത്തകർ സംഘടിപ്പിച്ച തിരഞ്ഞെടുപ്പ് യോഗങ്ങളിലാണ് കേന്ദ്രമന്ത്രി സുരേഷ് ഗോപി പങ്കെടുത്തത്
നീണ്ട പ്രസംഗങ്ങൾ ഒഴിവാക്കി ചുരുക്കിയ വാക്കുകളിൽ കാര്യങ്ങൾ പറഞ്ഞായിരുന്നു സുരേഷ് ഗോപി മടങ്ങിയത്.
തിരക്ക് പിടിച്ച പ്രചാരണ പരിപാടികളിൽ ഏറെ ദൂരങ്ങൾ താണ്ടിയായിരുന്നു യോഗങ്ങളിൽ പങ്കെടുത്തത്. ഉത്തം കുമാർ, ദാമോദരൻ പിള്ള, രമേശ് കലംബൊലി, മോഹൻ നായർ തുടങ്ങി നിരവധി കേരള സെൽ നേതാക്കളും ബിജെപി നേതാക്കളുമാണ് നേതൃത്വം നൽകിയത്. For more photos of the event click here
മഹാരാഷ്ട്രയിൽ മുംബൈ അടക്കം വിവിധ മേഖലകളിലായി 11 റാലികൾ നയിച്ച പ്രധാനമന്ത്രി നരേന്ദ്ര മോദിയാണ് ബിജെപിയുടെ താര പ്രചാരകൻ. മുഖ്യമന്ത്രി ഏക്‌നാഥ് ഷിൻഡെ, ഉപമുഖ്യമന്ത്രിമാരായ ദേവേന്ദ്ര ഫഡ്നാവിസ്, അജിത് പവാർ തുടങ്ങി ഘടകകക്ഷി നേതാക്കളും സംസ്ഥാനത്തിന്റെ വിവിധയിടങ്ങളിലെ മഹായുതി പ്രചാരണ യോഗങ്ങളിൽ സജീവമായിരുന്നു
മഹാ വികാസ് അഘാഡിയെ മുന്നിൽ നിന്ന് നയിച്ച ശരദ് പവാർ തന്നെയാണ് താരം. തൊട്ടു പിന്നാലെ ഉദ്ധവ് താക്കറെയും എഐസിസി അധ്യക്ഷൻ മല്ലികാർജുൻ ഖർഗെയും പ്രതിപക്ഷ നേതാവ് രാഹുൽ ഗാന്ധിയും പ്രിയങ്ക ഗാന്ധിയും അണികളെ ആവേശത്തിലാക്കി.
ഇന്ന് നിശബ്ദ പ്രചാരണവും നാളെ വോട്ടെടുപ്പും. മഹാരാഷ്ട്രയിൽ പതിവിന് വിപരീതമായി ഏറെ വീറും വാശിയും പ്രകടമായ തിരഞ്ഞെടുപ്പ് മത്സരത്തിന്റെ ഫലം നവംബർ 23 ന് അറിയാം
