കേരള കാത്തലിക് അസോസിയേഷൻ ഡോമ്പിവലി മേഖലയിലെ സ്കൂളുകളിൽ കുടയും പഠനോപകരണങ്ങളും വിതരണവും നടത്തി.
കേരള കാത്തലിക് അസോസിയേഷൻ മുംബൈ (KCA Mumbai) ഡോംബിവ്‌ലി യൂണിറ്റിന്റെ നേതൃത്വത്തിൽ പ്രദേശത്തെ ജില്ലാ പരിഷത്ത്/മുനിസിപ്പൽ സ്കൂളുകളിൽ കുടകളുടെയും പഠനോപകരണങ്ങളുടെയും വിതരണം ജൂലൈ 4, 5 തീയതികളിൽ നടത്തി.
കെ. സി. എ ഡോമ്പിവിലിയുടെ ചാരിറ്റി പ്രവർത്തനങ്ങളുടെ ഭാഗമായി അംഗങ്ങളുടെയും, അഭ്യൂദയ കാംഷികളുടെയും സഹായ സഹകരണത്തോടെയാണ് ഡോമ്പിവലി ഈസ്റ്റിലും വെസ്റ്റിലുമുള്ളസ്കൂളുകളിലെ മുന്നൂറോളം വിദ്യാർഥികൾക്ക് കുടകളും പഠനോപകരണങ്ങളും വിതരണം ചെയ്തത്.
കെ. സി. എ പ്രസിഡന്റ് സി ടി മത്തായി, സെക്രട്ടറി കെ എസ് ജോസഫ്, ജോയിന്റ് സെക്രട്ടറി അനില ഫിലിപ്പ്, കെ. സി. എ മുംബൈ സെൻട്രൽ എക്സിക്യൂട്ടീവ് കമ്മിറ്റി അംഗവും കൾച്ചറൽ കമ്മിറ്റി ചെയർമാനുമായ നെല്ലൻ ജോയി, കെ.സി.എ മുംബൈ മുൻ ട്രഷറർ തോമസ് പി. ജോർജ്, സെൻട്രൽ കൗൺസിൽ അംഗം ആന്റണി ഫിലിപ്പ് എന്നിവരുടെ നേതൃത്വത്തിൽ വിവിധ സ്കൂളുകളിൽ നടത്തിയ പ്രോഗ്രാമുകളിൽ മാനേജിങ് കമ്മിറ്റി അംഗങ്ങളായ ബിജു വർഗീസ്, ജോൺസൺ എബ്രഹാം,
ജോജി ആന്റണി, സംഘടനാ പ്രവർത്തകരായ ടോം ജോസഫ്, പ്രിൻസ് സെബാസ്റ്റ്യൻ, മറ്റ് യൂണിറ്റ് അംഗങ്ങൾ എന്നിവർ സന്നിഹിതരായിരുന്നു.
കുട വിതരണം ഉത്ഘാടനം ചെയ്തു സംസാരിച്ച മുൻ സൈനിക ഉദ്യോഗസ്ഥൻ കൂടിയായ സി. ടി മത്തായി വിദ്യാഭ്യാസത്തിന്റെ വിലയും, രാജ്യ സേവനത്തിന്റെ പ്രാധാന്യവും കുട്ടികളെ ഉദ്ബോധിപ്പിച്ചു.
കെ. സി.എ ഡോമ്പിവിലി ഇത്തവണ മേഖലയിലെ നിരവധി സ്കൂളുകളിൽ കുടകൾ വിതരണം ചെയ്യുന്നുണ്ടെന്ന് സെക്രട്ടറി കെ.എസ് ജോസഫ് അറിയിച്ചു.
കെ.സി.എ ഡോമ്പിവലിയുടെ മാതൃകാപരമായ ഈ പ്രവർത്തനത്തിന് ആന്റണി ഫിലിപ്പ്, തോമസ് പി ജോർജ് എന്നിവർ ആശംസകൾ അറിയിച്ചു.
കേരള കാത്തലിക് അസോസിയേഷൻ മുംബൈ 65 വർഷത്തെ സേവന പാരമ്പര്യമുളള മലയാളി കാത്തലിക്കാ സംഘടനയാണെന്നും, മുംബൈയിലെ 45 ൽ പരം കെ.സി.എ യൂണിറ്റുകളിലൂടെ അംഗങ്ങൾക്കും തദ്ദേശ വാസികൾക്കും നാനാ വിവിധത്തിലുള്ള സഹായങ്ങൾ തുടർന്നു കൊണ്ടിരിക്കുകയാണെന്നും, കെ. സി.എ ഡോമ്പിവിലിയുടെ ഇത്തരം സേവന പ്രവർത്തനങ്ങൾ മാതൃകാപരമാണെന്നും നെല്ലൻ ജോയി പറഞ്ഞു.
വിവിധ സ്കൂളുകളിലെ അധ്യാപകരും വിദ്യാർത്ഥികളും ചേർന്ന് കെ സി എ യുടെ ഈ ഉദ്യമത്തിന് വലിയ ആവേശത്തോടെയുള്ള സ്വീകരണമാണ് നൽകിയത്.
കെ.സി.എ യുടെ സേവന പരിപാടികൾ തുടർന്നും മുന്നോട്ടു കൊണ്ടുപോകാൻ ഇത് ഊർജ്ജം നൽകുന്നുവെന്നും ഡോമ്പിവലി മേഖലയിലെ പൊതു വിദ്യാഭ്യാസ രംഗത്തെ കൂടുതൽ സ്കൂളുകളിൽ വരും ദിവസങ്ങളിൽ കുട വിതരണം നടത്തുന്നതാണെന്നും മാനേജിങ് കമ്മറ്റി അറിയിച്ചു.
