അന്താരാഷ്ട്ര വനിതാ ദിനം ആചരിക്കുന്നതിന്റെ ഭാഗമായി ഉല്ലാസ് ആർട്ട്സ് ആൻഡ് വെൽഫെയർ അസോസിയേഷൻ വിവിധ കലാപരിപാടികളോടെ വനിതാദിനാഘോഷം സംഘടിപ്പിക്കുന്നു. മാർച്ച് 22-ന് (ഞായറാഴ്ച) വൈകുന്നേരം 4 മണിക്ക് അസോസിയേഷന്റെ ആഭിമുഖ്യത്തിൽ പരിപാടി നടക്കും.
അസോസിയേഷൻ അംഗങ്ങൾ അവതരിപ്പിക്കുന്ന വിവിധ കലാപരിപാടികളും ആഘോഷത്തിന്റെ ഭാഗമായിരിക്കും. വനിതാശക്തിയെയും സമൂഹത്തിലെ അവരുടെ സംഭാവനകളെയും ആദരിക്കുന്നതിനായി സംഘടിപ്പിക്കുന്ന പരിപാടിയിൽ വിവിധ മേഖലകളിലെ പ്രമുഖർ പങ്കെടുക്കും.
പരിപാടിയിൽ കോളേജ് അധ്യാപികയായ ഡോ ജയശ്രീ എസ് മേനോൻ മുഖ്യാതിഥിയായി പങ്കെടുക്കും. കൂടാതെ മലയാളം മിഷൻ കല്യാൺ സോൺ കോഓർഡിനേറ്ററായ സിന്ധു വി നായർ വിശിഷ്ടാതിഥിയായിരിക്കും.
വനിതാ വിഭാഗം കൺവീനർ അനിത രാധാകൃഷ്ണന്റെ നേതൃത്വത്തിലാണ് പരിപാടിയുടെ ഒരുക്കങ്ങൾ നടക്കുന്നത്. കൂടുതൽ വിവരങ്ങൾക്ക് 7083020523 എന്ന നമ്പറിൽ ബന്ധപ്പെടാമെന്ന് അസോസിയേഷൻ മാനേജിങ് കമ്മിറ്റി അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
