ഇന്ത്യയിലെ പ്രമുഖ സാമൂഹിക സേവന സംഘടനയായ അബിലിറ്റി ഫൗണ്ടേഷൻ സംഘടിപ്പിക്കുന്ന ഇന്റർനാഷണൽ ഫിലിം ഫെസ്റ്റിവലിൽ ചലച്ചിത്ര നടിയും സാമൂഹിക പ്രവർത്തകയുമായ ഗീത പൊതുവാൾ നിർമ്മിച്ച ചിത്രവും പ്രദർശിപ്പിക്കും.
പ്രശസ്ത സംഗീത സംവിധായകൻ എ.ആർ. റഹ്മാൻ ചെന്നൈയിൽ നടക്കുന്ന ഫെസ്റ്റിവലിന്റെ ആംബാസഡറും, ദേശീയ ചിത്രങ്ങളുടെ മത്സരത്തിന്റെ ജ്യൂറി ചെയർമാനുമാണ്. പ്രശസ്ത നടി രേവതി ഫെസ്റ്റിവലിന്റെ ഡയറക്ടറായിരിക്കും.
ദേശീയ മത്സരത്തിന് രാജ്യത്തെ പ്രശസ്ത വ്യക്തികൾ ജ്യൂറിയായി പങ്കു ചേർന്നിട്ടുണ്ട്. മത്സരത്തിനായി തിരഞ്ഞെടുക്കപ്പെട്ട 17 ചിത്രങ്ങളിൽ ഒന്നാണ് മുംബൈ മലയാളിയും സിനിമ സീരിയൽ നടിയുമായ ഗീത പൊതുവാൾ സമർപ്പിച്ച സിനിമ. ജൂലൈ 7 മുതൽ 10 വരെ നടക്കുന്ന ഫെസ്റ്റിവലിൽ ഈ ചിത്രങ്ങൾ പ്രദർശിപ്പിക്കും.
