കേരളത്തിന് പുറത്ത് ഏറ്റവും കൂടുതൽ കലാ സാംസ്കാരിക പ്രവർത്തനങ്ങൾ നടക്കുന്ന നഗരമാണ് മുംബൈ. നഗരത്തിലെ മലയാളി ആഘോഷ പരിപാടികളിലെ പ്രധാന ആകർഷണമാണ് യുവ പ്രതിഭകളുടെ പ്രകടനങ്ങൾ. കോസ്മോപോളിറ്റൻ നഗരത്തിന്റെ സ്വാധീനവും വിവിധ സംസ്കാരങ്ങളുമായി ഇടപഴകാനുള്ള അവസരങ്ങളും മുംബൈയിലെ കുട്ടികളുടെ കഴിവുകൾക്ക് കൂടുതൽ തിളക്കമേകുന്നു.
ഇപ്പോഴിതാ മുംബൈ മലയാളികൾക്ക് അഭിമാനമാകുകയാണ് ശിവശങ്കർ കൃഷ്ണ. മുംബൈയിൽ പവായ് നിവാസികളായ കൃഷ്ണകുമാറിന്റെയും ദീപയുടെയും മകനാണ് ഈ കൊച്ചു മിടുക്കൻ. ഫ്ളവേഴ്സ് ടോപ് സിങ്ങർ മത്സരാർത്ഥിയായ ശിവശങ്കർ ഇപ്പോൾ സെമിഫൈനൽസിലേക്കു പ്രവേശിച്ചിരിക്കുകയാണ്. ഫ്ളവർസ് ടീവി യിൽ രാത്രി 7 മണിക്ക് സംപ്രേക്ഷണം ചെയ്യുന്ന ഈ സംഗീത പരിപാടിക്ക് മുംബൈയിലും നിറയെ ആരാധകരാണ്. ശിവശങ്കർ കൃഷ്ണ മാറ്റുരയ്ക്കുന്ന സെമിഫൈനൽസ് എപ്പിസോഡ് നാളെയും മറ്റന്നാളും കൂടി സംപ്രേക്ഷണം ചെയ്യുന്നുണ്ടെന്ന് ‘അമ്മ ദീപ പറയുന്നു. പവാർ പബ്ലിക് സ്കൂളിലെ അഞ്ചാം ക്ലാസ് വിദ്യാർത്ഥിയാണ് ഈ കുട്ടിപ്രതിഭ
