മുംബൈ മലയാളിയായ മോഹൻ നായർ അണിയിച്ചൊരുക്കുന്ന ഹിന്ദി നാടകമാണ് “ഭസ്മാഞ്ചൽ” . നാടകത്തിന്റെ ആദ്യ പ്രദർശനം 2025 ഒക്ടോബർ 5-ന് ഞായറാഴ്ച, വൈകീട്ട് 7.30ന് വാഷിയിലെ വിഷ്ണുദാസ് ഭാവേ നട്യഗ്രഹത്തിൽ അരങ്ങേറും.

വിസ്മരിക്കപ്പെട്ട അമ്മമാരുടെയും അനാഥരുടെയും ജീവിതത്തിൽ കരുതലും സന്തോഷവും തിരിച്ചുകൊണ്ടുവരാൻ പ്രവർത്തിക്കുന്ന മഹാരാണി മൂവ്‌മെന്റ് അവതരിപ്പിക്കുന്ന “ഭസ്മാഞ്ചൽ” എന്ന ചരിത്രാത്മക നാടകാവിഷ്‌കാരവും സാംസ്കാരിക ആഘോഷവും 2025 ഒക്ടോബർ 5-ന് ഞായറാഴ്ച, വാഷിയിലെ വിഷ്ണുദാസ് ഭാവേ നാട്യഗ്രഹത്തിൽ അരങ്ങേറും.

72 കലാകാരന്മാർ ഒരുമിച്ച് അഭിനയിക്കുന്ന ഇന്ത്യയിലെ ആദ്യത്തെ നാടകാവിഷ്‌കാരമായ ഇതിലൂടെ, ഉപേക്ഷിക്കപ്പെട്ട വയോധിക സ്ത്രീകളുടെയും അനാഥരുടെയും ദാരുണാവസ്ഥയെക്കുറിച്ച് സമൂഹത്തിൽ ബോധവത്കരണം സൃഷ്ടിക്കുന്നതാണ് അണിയറ പ്രവർത്തകർ ലക്ഷ്യമിടുന്നത്.

പ്രമുഖ കലാകാരന്മാർ അവതരിപ്പിക്കുന്ന “കാന്താര” നൃത്താവിഷ്‌കാരം, ആറു വാദ്യ വിദ്വാൻമാരുടെ ചെണ്ടവാദ്യം, വർണാഭമായ ആദിവാസി നൃത്തങ്ങൾ, നാഷിക് ഢോൾ എന്നിവയും ഉൾപ്പെടുന്ന ഈ നാടക സായാഹ്നം കല, സംസ്കാരം, സാമൂഹിക പ്രതിബദ്ധത എന്നിവയെ ഒരുമിപ്പിക്കുന്ന അപൂർവമായ നാടകാനുഭവം, ഈ സായാഹ്നത്തെ അർഥവത്താക്കുമെന്നതിനോടൊപ്പം കരുണയുടെ ദൗത്യവുമായി കൈകോർക്കാൻ ആയിരങ്ങൾക്കു പ്രചോദനമാകുമെന്ന് മോഹൻ നായർ പ്രത്യാശ പ്രകടിപ്പിച്ചു. For tickets click here