തിരുവനന്തപുരം: തിരുവനന്തപുരം നഗരസഭ മേയർ വി.വി. രാജേഷിന്റെ നേതൃത്വത്തിൽ നഗരവികസന പ്രവർത്തനങ്ങൾ പുതിയ ദിശയിലേക്ക് മുന്നേറുകയാണെന്ന് ബിജെപി മഹാരാഷ്ട്ര കേരള വിഭാഗം കൺവീനർ കെ.ബി. ഉത്തം കുമാർ അഭിപ്രായപ്പെട്ടു.
തിരുവനന്തപുരം മേയർ വി.വി. രാജേഷുമായി കൂടിക്കാഴ്ച നടത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. നഗരത്തിന്റെ അടിസ്ഥാന സൗകര്യ വികസനം, പൊതുസേവനങ്ങളുടെ കാര്യക്ഷമത വർധിപ്പിക്കൽ, ജനകീയ വികസന പദ്ധതികൾ എന്നിവയ്ക്ക് നിലവിലെ ഭരണസമിതി പ്രത്യേക പ്രാധാന്യം നൽകുന്നുണ്ടെന്ന് അദ്ദേഹം പറഞ്ഞു.
തിരുവനന്തപുരം നഗരത്തിന്റെ സമഗ്ര വികസനത്തിനും ജനങ്ങളുടെ പ്രതീക്ഷകൾക്ക് അനുസൃതമായ ഭരണനിർവഹണത്തിനും നഗരസഭ നേതൃത്വം നൽകുമെന്ന വിശ്വാസം അദ്ദേഹം പ്രകടിപ്പിച്ചു. വികസന പ്രവർത്തനങ്ങളിൽ ജനപങ്കാളിത്തം ഉറപ്പാക്കുകയും നഗരത്തിന്റെ ഭാവി ആവശ്യങ്ങൾ മുൻനിർത്തിയുള്ള പദ്ധതികൾ നടപ്പാക്കുകയും ചെയ്യേണ്ടതിന്റെ ആവശ്യകതയും അദ്ദേഹം ചൂണ്ടിക്കാട്ടി.
നഗരത്തിന്റെ പുരോഗതിക്കായി ഭരണസമിതിയും ജനങ്ങളും ഒരുമിച്ച് പ്രവർത്തിക്കേണ്ടത് അനിവാര്യമാണെന്നും, വികസന പ്രവർത്തനങ്ങൾക്ക് എല്ലാവരുടെയും സഹകരണം ലഭിക്കുമെന്നാണ് പ്രതീക്ഷിക്കുന്നതെന്നും കെ.ബി. ഉത്തം കുമാർ പറഞ്ഞു.
മേയർ വി.വി. രാജേഷുമായുള്ള കൂടിക്കാഴ്ചയിൽ നഗരവികസനവുമായി ബന്ധപ്പെട്ട വിവിധ വിഷയങ്ങളും ഭാവി പദ്ധതികളും ചർച്ച ചെയ്തതായി അദ്ദേഹം അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
