വസായ്: മഴയും വെള്ളപ്പൊക്കവും മൂലം ദുരിതമനുഭവിക്കുന്ന ജനങ്ങൾക്ക് ആശ്വാസമൊരുക്കുന്നതിനായി പ്രതീക്ഷ ഫൗണ്ടേഷൻ ചെയർമാൻ കെ. ബി. ഉത്തം കുമാറിന്റെ നേതൃത്വത്തിൽ ശാസ്ത്രീ നഗർ ബിജെപി കാര്യാലയത്തിൽ മെഗാ മെഡിക്കൽ ക്യാമ്പ് സംഘടിപ്പിച്ചു.
നൂറുകണക്കിന് പേർ പങ്കെടുത്ത ക്യാമ്പിൽ വിവിധ ആരോഗ്യപരിശോധനകൾ, സൗജന്യ വൈദ്യോപദേശം, മരുന്ന് വിതരണം എന്നിവ നടന്നു. കൂടാതെ, സാമ്പത്തികമായി പിന്നാക്കം നിൽക്കുന്ന നൂറിലധികം കുടുംബങ്ങൾക്ക് ധാന്യകിറ്റുകളും വിതരണം ചെയ്തു.
സ്ഥലം കൗൺസിലർ നിമ്മി ജോഷി ക്യാമ്പ് ഉദ്ഘാടനം ചെയ്തു. തുടർന്ന് ക്യാമ്പ് സന്ദർശിച്ച എം.എൽ.എ സ്നേഹ ദൂബെ പണ്ഡിറ്റ്, സേവനമനുഷ്ഠിച്ച ഡോക്ടർമാർ, നഴ്സുമാർ, ആരോഗ്യപ്രവർത്തകർ, ആശാ വർക്കർമാർ എന്നിവരെ ആദരിച്ചു. പ്രതീക്ഷ ഫൗണ്ടേഷന്റെ നേതൃത്വത്തിൽ ഡോക്ടർമാർക്ക് പ്രത്യേക ഡോക്ടർ കിറ്റുകളും വിതരണം ചെയ്തു.
അമർദാസ് നായർ, സുകുമാരൻ, ശ്രീ ശങ്കർ, ബാലാ സാവന്ത്, നാരായൺ ഷെട്ടി, പ്രകാശ് ജാദവ്, ദേവി റെഡ്ഡി എന്നിവരുൾപ്പെടെ നിരവധി ബിജെപി പ്രവർത്തകർ ക്യാമ്പിന്റെ വിജയത്തിനായി പ്രവർത്തിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
