മുംബൈ: ഭാഷാപഠനത്തെ സന്തോഷകരമായ അനുഭവമാക്കി മാറ്റുന്ന വിവിധ പ്രവർത്തനങ്ങളോടെ കാജുപാട BPYS പഠനകേന്ദ്രത്തിലെ ഈ അധ്യയനവർഷത്തെ മലയാളം മിഷൻ ക്ലാസുകൾ ജൂലൈ 12-ന് ആരംഭിച്ചു. പഠിതാക്കളും അധ്യാപകരും രക്ഷിതാക്കളും പങ്കെടുത്ത ഉദ്ഘാടനച്ചടങ്ങ് ആവേശപൂർണമായ അന്തരീക്ഷത്തിലാണ് നടന്നത്.
പഠനകേന്ദ്ര സെക്രട്ടറി സി. ബി. സോമൻ ഔപചാരികമായി ക്ലാസുകൾ ഉദ്ഘാടനം ചെയ്തു. ആരോഗ്യപരമായ കാരണങ്ങളാൽ ചടങ്ങിൽ നേരിട്ട് പങ്കെടുക്കാൻ കഴിയാതിരുന്ന പ്രസിഡന്റ് ജോസ് കെ. ജി. ഫോൺ സന്ദേശത്തിലൂടെ വിദ്യാർത്ഥികൾക്കും അധ്യാപകർക്കും ആശംസകൾ നേർന്നു.
തുടർന്ന് നീലക്കുറിഞ്ഞി പഠിതാക്കളായ അഖിൽ, രാധിക, അലൻ എന്നിവർ, മേഖല സെക്രട്ടറി സിന്ധു അജയൻ, പഠനകേന്ദ്രം കൺവീനർ ജയശ്രീ രാജേഷ് എന്നിവരുടെ നേതൃത്വത്തിൽ ഭാഷാകേളി, വിവിധ കളികൾ, ചിരിനിമിഷങ്ങൾ എന്നിവയിലൂടെ കുട്ടികളെയും രക്ഷിതാക്കളെയും ഉൾപ്പെടുത്തി ശ്രദ്ധേയമായ സംവേദനാത്മക പരിപാടികൾ സംഘടിപ്പിച്ചു.
ഭാഷ പഠനത്തോടൊപ്പം കുട്ടികളിൽ മലയാളത്തോടുള്ള സ്നേഹവും ആത്മവിശ്വാസവും വളർത്തുന്ന പ്രവർത്തനങ്ങളാണ് പഠനകേന്ദ്രം ലക്ഷ്യമിടുന്നതെന്ന് സംഘാടകർ അറിയിച്ചു.
പഠനകേന്ദ്ര സമിതി അംഗങ്ങളായ ബെന്നി ജേക്കബ്, രേഷ്മ മനോജ്, ജിനേഷ് എന്നിവർ ചടങ്ങിൽ സന്നിഹിതരായിരുന്നു. തുടർന്ന് ലഘുഭക്ഷണത്തോടെ പരിപാടി സമാപിച്ചു.
പുതിയ അധ്യയനവർഷത്തിന്റെ തുടക്കത്തിൽ തന്നെ കുട്ടികളുടെയും രക്ഷിതാക്കളുടെയും മികച്ച പങ്കാളിത്തം മലയാളം മിഷൻ പ്രവർത്തനങ്ങൾക്ക് കൂടുതൽ ഊർജം പകരുന്നതായി സംഘാടകർ അഭിപ്രായപ്പെട്ടു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | APRIL 11 2026 SATURDAY 4.30 P.M. | KAIRALI NEWS
