ഇന്ത്യയുടെ ഗതാഗത അടിസ്ഥാന സൗകര്യ വികസനം വേഗതയിൽ മുന്നേറുകയാണ്. നിലവിൽ പ്രവർത്തനത്തിലുള്ളതും നിർമ്മാണത്തിലിരിക്കുന്നതുമായ ഫ്ളൈഓവർ പദ്ധതികൾ രാജ്യത്തിന്റെ ഗതാഗത ഭാവി പുതുക്കിയെടുക്കും.
മഹാരാഷ്ട്രയിലെ നവിമുംബൈയെയും ഭീവണ്ടിയെയും ബന്ധിപ്പിച്ചുകൊണ്ട് ഇരുനില മേൽപ്പാലം വരുന്നു. നവിമുംബൈയിലെ ശീൽഫാട്ടയിൽ നിന്നാരംഭിച്ച് ഭീവണ്ടിയിലെ രഞ്ച്നോളി ജംങ്ഷനിൽ അവസാനിക്കുന്ന 21 കിലോമീറ്റർ നീളം വരുന്ന മേൽപ്പാത രാജ്യത്തെത്തന്നെ ഏറ്റവും വലിയ മേൽപ്പാലമായിരിക്കും. ചരക്ക് ഗതാഗതത്തിനും പൊതുയാത്രയ്ക്കും പ്രത്യേകം പാതകൾ ഒരുക്കുന്ന ഈ പദ്ധതി ഗതാഗത തിരക്ക് വൻതോതിൽ കുറയ്ക്കുമെന്നാണ് പ്രതീക്ഷ
മുംബൈ മെട്രപൊളിറ്റൻ റീജിയൻ ഡിവലപ്മെന്റ് അതോറിറ്റി (എംഎംആർഡിഎ) ആസൂത്രണം ചെയ്യുന്ന ഇരട്ട മേൽപ്പാലത്തിൽ നാലുവരിപ്പാതയും അതിനുമുകളിൽ മൂന്ന് മെട്രോ റെയിൽപ്പാതയുമുണ്ടാകും.
നിർദിഷ്ട വിരാർ-അലിബാഗ് ബഹുമാതൃക ഇടനാഴി , മുംബൈ – അഹമ്മദാബാദ് ബുള്ളറ്റ് ട്രെയിൻപാത എന്നിവയുമായി സംയോജിപ്പിച്ച് പദ്ധതി നടപ്പാക്കാനാണ് എംഎംആർഡിഎ ലക്ഷ്യമിടുന്നത്. പഴയ മുംബൈ പുണെ ഹൈവേയായ ദേശീയപാത 48-ലെ ശീൽഫാട്ടയിൽനിന്ന് തുടങ്ങി കല്യാൺ വഴി മുംബൈ നാസിക് ഹൈവേയായ ദേശീയപാത 160-ലെ രഞ്ച്നോളി ജംങ്ഷനിൽ അവസാനിക്കുന്ന മേൽപ്പാതയെ കത്തായിയിൽവെച്ച് നിർദിഷ്ട കത്തായ് -ഐരോളി ഫ്രീവേയുമായും കത്തായ് നാക്കയ്ക്കു ശേഷം വിരാർ ആലിബാഗ് ഇടനാഴിയുമായി സംയോജിപ്പിക്കാൻ കഴിയുന്നരീതിയിലാണ് പദ്ധതി ആസൂത്രണംചെയ്യുന്നത്.
നാലുവരിപ്പാതയ്ക്കു മുകളിൽ കല്യാൺ-ഭീവണ്ടി മെട്രോ 5ന്റെ ദുർഗാഡി ഫോർട്ട് മുതൽ രഞ്ച്നോളി ജംങ്ഷൻ വരെയുള്ള ലൈനും, കല്യാൺ – തലോജ മെട്രോ 12 ന്റെ കല്യാൺ എപിഎംസി മുതൽ റുൺവാൽ ജങ്ഷൻവരെയുള്ള ലൈനും, കഞ്ചൂർ-മാർഗ് ബദലാപ്പൂർ മെട്രോ 14 ന്റെ ശീൽഫാട്ട മുതൽ കത്തായ് നാക്കവരേയുള്ള ലൈനും ക്രമീകരിക്കാനാണ് ആലോചന.കത്തായ്നാക്കയ്ക്കു ശേഷവും കല്യാണിലെ പത്രിഫൂലിലും രണ്ടിടത്ത് ദീർഘദൂര ട്രെയിനുകളും ലോക്കൽ ട്രെയിനുകളും ഓടുന്ന വൻ ഗതാഗതത്തിരക്കുള്ള മധ്യറെയിൽവേ ലൈനിനെ മറികടന്നുവേണം മേൽപ്പാലം നിർമിക്കാൻ.
അരൂർ-തുറവൂർ എലിവേറ്റഡ് ഹൈവേ (12.75 കിലോമീറ്റർ – നിർമ്മാണത്തിലുണ്ട്)
കേരളത്തിലെ ദേശീയപാത വികസന പദ്ധതിയുടെ ഭാഗമായ അറൂർ–തുറവൂർ എലിവേറ്റഡ് ഹൈവേ പൂർത്തിയായാൽ നിലവിലുള്ള റെക്കോർഡുകൾ മറികടന്ന് ഇന്ത്യയിലെ ഏറ്റവും നീളം കൂടിയ ഫ്ളൈഓവർ ആകും. ആറ് ലെയിനുകളുള്ള ഈ 12.75 കിലോമീറ്റർ ഹൈവേ കൊച്ചി–അലപ്പുഴ റോഡിലെ ഗതാഗതം കൂടുതൽ സുഗമമാക്കും.
നിലവിൽ പ്രവർത്തനത്തിലുള്ളത്
പി.വി. നരസിംഹറാവു എക്സ്പ്രസ്വേ (ഹൈദരാബാദ് – 11.6 കിലോമീറ്റർ) നിലവിൽ ഇന്ത്യയിലെ ഏറ്റവും നീളം കൂടിയ പ്രവർത്തനസജ്ജമായ ഫ്ളൈഓവർ ഹൈദരാബാദിലെ പി.വി. നരസിംഹറാവു എക്സ്പ്രസ്വേയാണ്. 11.6 കിലോമീറ്റർ നീളമുള്ള ഈ ഹൈവേ ഹൈദരാബാദ് നഗരത്തെ രാജീവ് ഗാന്ധി അന്താരാഷ്ട്ര വിമാനത്താവളവുമായി നേരിട്ട് ബന്ധിപ്പിക്കുന്നു.
അറ്റൽ സേതു (സേവ്രി–നാവാ ശേവ – 21.8 കിലോമീറ്റർ)
സാധാരണയായി സീ ലിങ്ക് ആയി അറിയപ്പെടുന്ന 21.8 കിലോമീറ്റർ നീളമുള്ള അറ്റൽ സേതു മുംബൈയുടെ ഗതാഗത സംവിധാനത്തിൽ വിപ്ലവം സൃഷ്ടിച്ച എലിവേറ്റഡ് ഘടനയാണ്. സേവ്രിയിൽ നിന്ന് നാവാ ശേവ വരെ ബന്ധിപ്പിക്കുന്ന ഈ പാലം വ്യവസായ മേഖലകളിലേക്കുള്ള ഗതാഗതം കൂടുതൽ വേഗത്തിലും കാര്യക്ഷമത്തിലും മാറ്റിയിരിക്കുന്നു.
അരൂർ-തുറവൂർ എലിവേറ്റഡ് ഹൈവേയുടെയും നവി മുംബൈ–ഭിവണ്ടി ഡബിള് ഡെക്കർ ഫ്ളൈഓവറിന്റെയും പൂർത്തീകരണത്തോടെ ഇന്ത്യയിലെ ഗതാഗത അടിസ്ഥാനസൗകര്യ വികസനം പുതിയ യുഗത്തിലേക്ക് കടക്കുകയാണ്. രാജ്യത്തിന്റെ ഗതാഗതഭാവി കൂടുതൽ സുസ്ഥിരവും സാങ്കേതികമായി മുന്നേറിയതുമായതിന്റെ സൂചനയാണിത്.
