അമരാവതി ബുൾഡാന മലയാളി സമാജവും ഫെയ്മ മഹാരാഷ്ട്ര അമരാവതി സോണിൻ്റെയും ആഭിമുഖ്യത്തിൽ 27 ഡിസംബർ ശനിയാഴ്ച ഖാംഗാവിൽ വച്ച് ക്രിസ്മസ്- നവവത്സര ആഘോഷം സംഘടിപ്പിച്ചു.
ഫെയ്മ സീനിയർ സിറ്റിസൻ ക്ലബ് അമരാവതി സോണൽ കമ്മറ്റി മെമ്പർ ബാബൂസ് മണ്ണൂരിന്റെ അധ്യക്ഷതയിൽ നടന്ന യോഗത്തിൽ സീമ പ്രകാശ് സ്വാഗതവും, ഫെയ്മ മഹാരാഷ്ട്ര മലയാളി വെൽഫെയർ സെൽ ചെയർമാൻ ഷൈൻ പാലമൂട്ടിൽ, എഫ് വി.എൻ. കെ . ചർച്ച് വികാരി റവ. ഫാ. സ്വാന്ത്വാൻ കുട്ടേക്കർ, എം.എസ്.എഫ്. എസ് റവ. ഫാ. വില്ല്യം ആന്റണി, എം.എസ് എഫ് .എസ്. റവ. ഫാ. അമൽ പ്രിൻസിപ്പൽ എസ്.എഫ്. എസ്. സ്ക്കൂൾ ഖാംഗാവ്. സെന്റ് ആൻസ് സ്കൂൾ പ്രിൻസിപ്പൽ റവ.മദർ സുപ്പീരിയർ രത്നമേരി എന്നിവർ ചടങ്ങിൽ ക്രിസ്മസ്- നവവത്സര ആശംസകൾ നേർന്ന് സംസാരിച്ചു.
എലിസബത്ത് സാമുവൽ, ജലജ മുല്ലനേഴി, സീമാ പ്രകാശും ചേർന്ന് കരോൾ ഗാനങ്ങൾ ആലപിച്ചു. ദേവിക ഷാജിയും സംഘവും ചേർന്ന് ഡാൻസ് പ്രോഗ്രാം അവതരിപ്പിച്ചു. പുതുവത്സരത്തെ വരവേറ്റ് കരിമരുന്ന് പ്രയോഗവും നടന്നു. ഫെയ്മ മഹാരാഷ്ട്ര സംസ്ഥാന കമ്മിറ്റി അംഗം ബിജി ഷാജി നന്ദി പ്രകാശിപ്പിച്ചു.
