ബി.ബി. ഗോപകുമാറിൻ്റെ നിയമസഭാ പ്രവേശത്തോടെ കേരള നിയമസഭയിൽ ദേശീയതയുടെ ശബ്ദം മുഴങ്ങുകയാണെന്ന് ബിജെപി മഹാരാഷ്ട്ര കേരള ഘടകം കൺവീനർ കെ.ബി ഉത്തംകുമാർ പറഞ്ഞു. എം എൽ എ യുമായുള്ള കൂടിക്കാഴ്ചയ്ക്കു ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. കാലങ്ങളായി ഇടതും വലതും പിന്തുടരുന്ന ന്യൂനപക്ഷ പ്രീണനത്തെ ജനങ്ങളുടെ മുന്നിൽ തുറന്നു കാട്ടാൻ ബി ജെ പി നിയമസഭാ കക്ഷി നേതാവുകൂടിയായ ഗോപകുമാറിന് കഴിഞ്ഞു.
മദനിയെ ആഗോള ഭീകരനെന്ന് നിയമസഭയിൽ വിശേഷിപ്പിക്കാൻ ഗോപകുമാറിന് മാത്രമെ ധൈര്യമുണ്ടായുള്ളൂ. ഗോപകുമാറിൻ്റെ പ്രകടനം ഇരുമുന്നണികളേയും വിറളിപിടിപ്പിച്ചിരിക്കുകയാണ്. ഇടതനും വലതനും ഒത്തുകളി രാഷ്ട്രീയത്തിലൂടെ നടത്തിക്കൊണ്ടിരിക്കുന്ന ജനവിരുദ്ധ നിലപാടുകളെ തുറന്നു കാട്ടാൻ ഒരു ഗോപകുമാർ നിയമസഭയിലെത്തേണ്ടിവന്നു എന്നത് കാലം കാത്തുവെച്ച കാവ്യനീതിയാണ്.
കോൺഗ്രസ് മുന്നണിയുടേയും സി പി എം മുന്നണിയുടേയും കാപട്യം തുറന്നു കാട്ടുന്ന ബിജെപി എം എൽ എ മാരായ രാജീവ് ചന്ദ്രശേഖർ, വി മുരളീധരൻ, ബി.ബി ഗോപകുമാർ എന്നിവർ വരും നാളുകളിൽ ഇരുമുന്നണികൾക്കും പേടി സ്വപ്നമായിരിക്കും ഉത്തം കുമാർ പറഞ്ഞു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
