ഡോംബിവലി: ഓണാഘോഷങ്ങളുടെ ഭാഗമായി ഡോംബിവലി നായർ വെൽഫെയർ അസോസിയേഷൻ (DNWA) ഓഗസ്റ്റ് 9-ന് കമ്പൽപാട മോഡൽ കോളേജിൽ മെഗാ പൂക്കള മത്സരം സംഘടിപ്പിക്കുന്നു.
കഴിഞ്ഞ വർഷം സംഘടിപ്പിച്ച പൂക്കള മത്സരത്തിന് ലഭിച്ച മികച്ച ജനപങ്കാളിത്തവും പ്രോത്സാഹനവും പരിഗണിച്ച്, ഇത്തവണത്തെ മത്സരം കൂടുതൽ വിപുലമായ രീതിയിലാണ് ഒരുക്കിയിരിക്കുന്നതെന്ന് ഭാരവാഹികൾ അറിയിച്ചു. മത്സരത്തിന്റെ സമ്മാനത്തുകയും ഗണ്യമായി വർധിപ്പിച്ചിട്ടുണ്ട്.
ഒന്നാം സമ്മാനമായി ₹25,000, രണ്ടാം സമ്മാനമായി ₹20,000, മൂന്നാം സമ്മാനമായി ₹15,000 എന്നിവയും ട്രോഫിയും സർട്ടിഫിക്കറ്റും വിജയികൾക്ക് നൽകും.
കൂടാതെ, മത്സരത്തിൽ പങ്കെടുക്കുന്ന മറ്റ് എല്ലാ ടീമുകൾക്കും പ്രോത്സാഹന സമ്മാനമായി ₹3,000 വീതം നൽകുമെന്ന് അസോസിയേഷൻ ജനറൽ സെക്രട്ടറി മധു ബാലകൃഷ്ണൻ അറിയിച്ചു.
ഓണത്തിന്റെ പാരമ്പര്യവും കൂട്ടായ്മയുടെ ആത്മാവും ഉയർത്തിപ്പിടിക്കുന്ന ഈ പൂക്കള മത്സരത്തിൽ ഡോംബിവലിയിലെയും സമീപ പ്രദേശങ്ങളിലെയും സംഘടനകളും ക്ലബ്ബുകളും റെസിഡന്റ്സ് അസോസിയേഷനുകളും കുടുംബ കൂട്ടായ്മകളും ആവേശത്തോടെ പങ്കെടുക്കണമെന്ന് സംഘാടകർ അഭ്യർഥിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
