ബാങ്കോക്ക്:
ഹിമാലയൻ യൂണിവേഴ്സിറ്റി വൈസ് ചാൻസലർ പ്രൊഫ. ഡോ. പ്രകാശ് ദിവാകരൻ അന്താരാഷ്ട്ര തലത്തിൽ അംഗീകാരം നേടി. ഉയർന്ന വിദ്യാഭ്യാസ മേഖലയിലെ അദ്ദേഹത്തിന്റെ നേതൃത്വവും ശ്രദ്ധേയമായ സംഭാവനകളും പരിഗണിച്ച് ഇൻഡോ–തായ് എഡ്യൂക്കേഷണൽ എക്സലൻസ് അവാർഡ് നൽകി ആദരിച്ചു.
ബാങ്കോക്ക് നഗരത്തിൽ നടന്ന അക്കാദമിക് സമ്മേളനത്തിൽ രാജാപാർക്ക് യൂണിവേഴ്സിറ്റി വൈസ് ചാൻസലർ അസിസ്റ്റന്റ് പ്രൊഫ. ഡോ. താനാപോൻ സാരുൻബുരാനയാണ് (Asst. Prof. Dr. Thanapon Sarunburana) പുരസ്കാരം സമ്മാനിച്ചത്. പ്രമുഖ പണ്ഡിതരും അന്താരാഷ്ട്ര പ്രതിനിധികളും പങ്കെടുത്ത ചടങ്ങിൽ സർവകലാശാലയുടെ നേട്ടം പ്രത്യേക ശ്രദ്ധ നേടി.
ചടങ്ങ് ആരംഭിച്ചത് സാവിത്രിഭായ് ഫുലെ പുണെ യൂണിവേഴ്സിറ്റിയുടെ പാട്രൺ ഡോ. ജെ. പി. ഭോസലെയുടെ സ്വാഗത പ്രസംഗത്തോടെയായിരുന്നു. തുടർന്ന് തമിഴ് നാട് ഡോ.അംബേദ്കർ ലോ യൂണിവേഴ്സിറ്റി രജിസ്ട്രാർ പ്രൊഫ. ഡോ. ഗൗരി രമേഷ് അധ്യക്ഷ പ്രസംഗം നടത്തി.
മുഖ്യാതിഥിയായ പ്രൊഫ. ഡോ. പ്രകാശ് ദിവാകരൻ ഉദ്ഘാടനം നിർവഹിച്ചു. ആഗോള അക്കാദമിക് സഹകരണത്തിന്റെ പ്രാധാന്യം, സർവകലാശാലകളിലെ നൈതിക ഭരണരീതി, ഉയർന്ന വിദ്യാഭ്യാസത്തിലെ പരിവർത്തനാത്മക നേതൃത്വം എന്നിവയുടെ ആവശ്യകതയെക്കുറിച്ച് പ്രകാശ് ദിവാകരൻ പ്രസംഗത്തിൽ വിശദീകരിച്ചു.
ഡോ. ആർ. തിപ്പ റെഡ്ഡി, അസോസിയേറ്റ് പ്രൊഫ്. ഡോ. ചൈവത് ഫുവാക്കോങ്ങ്, അസിസ്റ്റന്റ് പ്രൊഫ്. ഡോ. അരുണ് ചെയ്നിറ്റ്, ഡോ. ജിദാപ തവാരിറ്റ്, ഡോ. ഗിരീഷ് കുമാർ ജെ., ഡോ. ഷിബു ധർമരാജൻ, ഡോ. സീമ വിജയ് മെഡെ, മിസ്. അഷ്സഗൻ അഷ്ഗാരി എന്നിവരും ചടങ്ങിൽ പങ്കെടുത്തു.
ഡൽഹി യൂണിവേഴ്സിറ്റി അസിസ്റ്റന്റ് പ്രൊഫസർ (സീനിയർ സ്കെയിൽ) ഡോ. ചോളരാജ മുദിമന്നൻ നന്ദിപ്രസംഗം നടത്തി. ഹിമാലയൻ സർവകലാശാലയെ പ്രതിനിധീകരിച്ച് ഡെപ്യൂട്ടി രജിസ്ട്രാർ അഡ്വ. കിഡോ ബാഗ്രയും അസിസ്റ്റന്റ് എച്ച്ആർ അഡ്വ. ഒമെം അപാങും ചടങ്ങിൽ സന്നിഹിതരായിരുന്നു.
ഈ അന്താരാഷ്ട്ര ബഹുമതി ഹിമാലയൻ സർവകലാശാലയുടെ ഗുണമേന്മയുള്ള വിദ്യാഭ്യാസം, ഗവേഷണ നവീകരണം, ആഗോള സഹകരണങ്ങൾ എന്നിവയോടുള്ള പ്രതിബദ്ധതയെ കൂടുതൽ ശക്തിപ്പെടുത്തുന്നതായും സർവകലാശാലയുടെ അക്കാദമിക് മികവിലേക്കുള്ള യാത്രയിൽ പുതിയ നേട്ടമായും വിലയിരുത്തി.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
