നവി മുംബൈ: അന്താരാഷ്ട്ര വനിതാദിനാഘോഷങ്ങളുടെ ഭാഗമായി ന്യൂ ബോംബെ കൾച്ചറൽ സെന്റർ Centre സംഘടിപ്പിക്കുന്ന പ്രത്യേക സംഗീത–സാംസ്കാരിക പരിപാടി മാർച്ച് 7ന് നവി മുംബൈയിൽ നടക്കും. വനിതകളുടെ കഴിവുകളും സാംസ്കാരിക സംഭാവനകളും ആദരിക്കുന്നതിനായാണ് പരിപാടി സംഘടിപ്പിക്കുന്നത്.

നവി മുംബൈ ഖോപ്പർകർണാ ആസ്ഥാനമായ ന്യൂ ബോംബെ കൾച്ചറൽ സെന്ററിൽ വൈകിട്ട് 5 മണിക്ക് ആരംഭിക്കുന്ന ചടങ്ങിൽ സാംസ്കാരിക സമ്മേളനം കൂടാതെ പ്രശസ്ത ഗസൽ ഗായിക സുസ്മിത അവതരിപ്പിക്കുന്ന ഗസൽ സന്ധ്യയും വനിതാ വിഭാഗം അവതരിപ്പിക്കുന്ന കലാപരിപാടികളും അരങ്ങേറും.. സ്ത്രീകളുടെ സാമൂഹിക–സാംസ്കാരിക രംഗത്തെ നേട്ടങ്ങളെ ആഘോഷിക്കുന്ന വേദിയായിരിക്കും ചടങ്ങ്.

ചടങ്ങ് എൻഎംഎംസി കോർപ്പറേറ്റർ അഡ്വ. ഭാരതി രവികാന്ത് പട്ടീൽ ഉദ്ഘാടനം ചെയ്യും. എൻഎംഎംസി കോർപ്പറേറ്റർ ദീക്ഷ സൂര്യകാന്ത് കചറെ മുഖ്യാതിഥിയായി പങ്കെടുക്കും. സാമൂഹിക–സാംസ്കാരിക രംഗങ്ങളിൽ ശ്രദ്ധേയമായ സംഭാവനകൾ നൽകിയ ലത നമ്പ്യാർ, ഷീബ കോമളൻ, അജിത ദീപക്, ഷിനി ചന്ദ്രബോസ് എന്നിവരെ ചടങ്ങിൽ ആദരിക്കും.

വുമൺസ് വിംഗ് കൺവീനർ അപർണ മോഹനൻ സ്വാഗതം ആശംസിക്കും. വനിതാ വിഭാഗം ഗാർഡിയൻ ഗീത ഷിബു അധ്യക്ഷ പ്രസംഗവും ബോബി സുലക്ഷണ നന്ദിപ്രസംഗവും നടത്തും.

വനിതാശാക്തീകരണവും സാംസ്കാരിക ഐക്യവും ഉയർത്തിപ്പിടിക്കുന്ന ഈ വനിതാദിനാഘോഷം സമൂഹത്തിലെ വിവിധ മേഖലകളിലെ സ്ത്രീകളെ ഒരുമിപ്പിക്കുന്ന വേദിയാകുമെന്ന് സംഘാടകർ അറിയിച്ചു.

മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS