മുംബൈ: ശ്രീനാരായണ ധർമ്മ പരിപാലന യോഗം (എസ്.എൻ.ഡി.പി) മുംബൈ–താനെ യൂണിയനു കീഴിലുള്ള ശാഖായോഗം നമ്പർ 3895 മലാഡ്–ഗോരേഗാവ് ശാഖയിൽ ഗുരുദേവ പ്രതിഷ്ഠയുടെ ഒന്നാം വാർഷികം ഭക്തിനിർഭരമായ ചടങ്ങുകളോടെ ആഘോഷിച്ചു.
സുന്ദരശ പണിക്കരും തന്ത്രി പ്രദീപ് ശാന്തിയും മുഖ്യകാർമ്മികത്വം വഹിച്ച ചടങ്ങിൽ വിവിധ പൂജാകർമ്മങ്ങൾ നടന്നു. മഹാഗുരുപൂജ, കലശപൂജ, കലശാഭിഷേകം, സമൂഹപ്രാർത്ഥന, ആരതി, സർവൈശ്വര്യ പൂജ, പ്രസാദവിതരണം എന്നിവ ചടങ്ങുകളുടെ ഭാഗമായി സംഘടിപ്പിച്ചു.
രാവിലെ 5.30ന് ഗണപതി ഹോമത്തോടെയാണ് ചടങ്ങുകൾക്ക് തുടക്കമായത്. സർവൈശ്വര്യ പൂജയിൽ ശാഖയിലെ വനിതകളുടെ സജീവ പങ്കാളിത്തം ശ്രദ്ധേയമായിരുന്നുവെന്ന് ശാഖാ സെക്രട്ടറി ഷീൽ കുമാർ അറിയിച്ചു.
ഭക്തജനങ്ങളുടെ സാന്നിധ്യത്തിൽ ആത്മീയ അന്തരീക്ഷത്തിലായിരുന്നു വാർഷികാഘോഷ പരിപാടികൾ നടന്നത്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | Every SATURDAY 4.30 P.M. | KAIRALI NEWS
