കോവിഡ് മഹാമാരിയിൽ ലോക്ക് ഡൗൺ കാലത്ത് കഷ്ടതയനുഭവിക്കുന്ന കുടുംബങ്ങൾക്ക് കൈത്താങ്ങാകാൻ ലക്ഷ്യമിട്ട് ആവിഷ്‌കരിച്ച സൗജന്യ ഭക്ഷണകിറ്റ് വിതരണം മുംബൈയിലും സമീപപ്രദേശങ്ങളിലുമായി നടന്നു. ജാതി-മത ഭേദമെന്യേ ബുദ്ധിമുട്ട് അനുഭവിക്കുന്ന അഞ്ഞൂറ്റി നാല്പത്തഞ്ച് കുടുംബങ്ങൾക്കാണ് എസ് എൻ ഡി പി യോഗത്തിന്റെ സഹായഹസ്തം സ്വാന്തനമായത്.
നഗരത്തിലെ നിരവധി സുമനുസകളുടെ സഹകരണത്തോടെയാണ് ഭക്ഷണ സാമഗ്രികൾ അടങ്ങിയ കിറ്റുകൾ വിതരണം ചെയ്യുവാൻ കഴിഞ്ഞതെന്ന് മുംബൈ താനെ യൂണിയൻ പ്രസിഡന്റ് ബിജുകുമാർ പറഞ്ഞു. ഭക്ഷണ സാമഗ്രികൾ അടങ്ങിയ കിറ്റുകൾ അർഹതപെട്ടവരുടെ ഭവനങ്ങളിലെത്തിക്കാൻ യൂണിയൻ ഭാരവാഹികൾക്കും, ശാഖാഭാരവാഹിക്കൾക്കും കഴിഞ്ഞത് സാമൂഹ്യ പ്രതിബദ്ധത മുന്നിൽ കണ്ടുകൊണ്ടാണെന്ന് യൂണിയൻ സെക്രട്ടറി ബിനു സുരേന്ദ്രൻ അറിയിച്ചു.
ധാരാവിയിലുള്ളവർക്കായി മാട്ടുംഗ,ഐരോളി-ഘൻസോളി, മോഹോപാട രസായനി,വാഷി,നെരൂൾ,സാകിനാക്ക,മീരാ റോഡ്, ഭയന്ദർ, ഭാണ്ഡൂപ്, താനെ, ഡോംബിവലി, കല്യാൺ വെസ്റ്റ്, അംബർനാഥ്‌, അന്റോപ് ഹിൽ, കാമോത്തേ, ഉല്ലാസ് നഗർ എന്നീ 16 ശാഖകൾ വഴി ഭക്ഷണ സാമഗ്രികൾ അടങ്ങിയ കിറ്റുകൾ വിതരണം ചെയ്തത്.
മുംബൈ നഗരത്തിലെ ഏറ്റവും വലിയ മലയാളി കൂട്ടായ്മകളിലൊന്നാണ് എസ് എൻ ഡി പി യോഗം മുംബൈ താനെ യൂണിയൻ. കൊറോണക്കാലത്ത് ദുരിതമനുഭവിക്കുന്ന നിരവധി പേർക്കാണ് സംഘടനയുടെ വിവിധ യൂണിറ്റുകൾ വഴി സഹായങ്ങളെത്തിച്ചു മാതൃകാപരമായ പ്രവർത്തനങ്ങളിലൂടെ നഗരത്തിന് കൈത്താങ്ങായത്.
- മഹാനഗരത്തില്‍ മലയാളത്തനിമയുടെ നൂപുരധ്വനികളുയര്‍ത്തി പശ്ചിമ മേഖല പന്ത്രണ്ടാം മലയാളോത്സവം
- കരിങ്കാളി നാടൻ പാട്ട് മെഗാ ഷോ ഡിസംബർ 2ന് കല്യാണിൽ
- നവിമുംബൈ മെട്രോ ; ഒരാഴ്ചയ്ക്കുള്ളിൽ ഒരു ലക്ഷത്തിലധികം യാത്രക്കാർ
- ബിഎസ്എൻഎൽ ജീവനക്കാരുടെ മനുഷ്യ ചങ്ങല നാളെ
- പരിഭ്രാന്തി പടർത്തി പൻവേലിൽ ഭൂചലനം
