നവി മുംബൈയിലെ സാംസ്കാരിക സംഘടനയായ ന്യൂ ബോംബെ കൾച്ചറൽ സെന്റർ അകാലത്തിൽ വിട പറഞ്ഞ നടൻ സലിം കുമാർ അനുസ്മരണ യോഗം സംഘടിപ്പിക്കുന്നു.

മലയാള സിനിമയിലും ടെലിവിഷൻ രംഗത്തും തന്റേതായ വ്യക്തിമുദ്ര പതിപ്പിച്ച ജനപ്രിയ നടൻ സലീംകുമാർ മുംബൈ നഗരവുമായി അടുത്ത ബന്ധം പുലർത്തിയിരുന്നു. ജൂൺ 14-ന് (ഞായർ) രാവിലെ 11 മണിക്ക് ന്യൂ ബോംബെ കൾച്ചറൽ സെന്ററിൽ സംഘടിപ്പിക്കുന്ന ചടങ്ങിൽ സാമൂഹിക സാംസ്കാരിക രംഗത്തെ പ്രമുഖർ സംബന്ധിക്കും.

മലയാള സിനിമയിലെ ഹാസ്യ കഥാപാത്രങ്ങളിലൂടെ പ്രേക്ഷകരുടെ ഹൃദയം കീഴടക്കിയ സലീംകുമാർ, പിന്നീട് ശക്തമായ സ്വഭാവ കഥാപാത്രങ്ങളിലൂടെയും ദേശീയ പുരസ്‌കാര ജേതാവെന്ന നിലയിലും ശ്രദ്ധ നേടിയ കലാകാരനാണ്. ഹാസ്യത്തിൽ നിന്ന് ഗൗരവതരമായ കഥാപാത്രങ്ങളിലേക്കുള്ള അദ്ദേഹത്തിന്റെ യാത്ര മലയാള സിനിമയുടെ ചരിത്രത്തിൽ വേറിട്ട അധ്യായമാണ്.

പ്രവാസി മലയാളികൾക്ക് ഏറെ പ്രിയങ്കരനായ സലീംകുമാറിനെ ആദരിക്കുന്നതിനായി സംഘടിപ്പിക്കുന്ന ചടങ്ങിൽ നവി മുംബൈയിലെയും മുംബൈയിലെയും വിവിധ സാമൂഹിക, സാംസ്കാരിക, കലാസാഹിത്യ മേഖലകളിലെ പ്രമുഖർ പങ്കെടുക്കും. സലീംകുമാറിന്റെ കലാജീവിതവും സിനിമാ സംഭാവനകളും അനുസ്മരിക്കുന്നതാകും ചടങ്ങ്

മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | JUNE 13 2026 SATURDAY 4.30 P.M. | KAIRALI NEWS