മുംബൈ: രാജീവ് ഗാന്ധി സാംസ്കാരിക സമിതിയുടെ രജത ജൂബിലി ആഘോഷങ്ങളുടെ ഭാഗമായി ഏർപ്പെടുത്തിയ ‘രജത ജൂബിലി പുരസ്കാരം–2026’ പ്രമുഖ സംരംഭകയും എഴുത്തുകാരിയുമായ ഡോ. ശശികല പണിക്കർക്ക് സമ്മാനിച്ചു.
കേരളത്തിൽ കൊല്ലം പ്രസ് ക്ലബിൽ നടന്ന ചടങ്ങിൽ സാഹിത്യ രംഗത്തെ സമഗ്ര സംഭാവനകൾ പരിഗണിച്ചാണ് ഡോ. ശശികല പണിക്കരെ പുരസ്കാരത്തിന് തെരഞ്ഞെടുത്തത്.
ഡോ. ശശികല പണിക്കർക്ക് ചടങ്ങിൽ നേരിട്ട് പങ്കെടുക്കാൻ കഴിഞ്ഞില്ല. പകരം സഹോദരി ഗീതയാണ് പുരസ്കാരം ഏറ്റുവാങ്ങിയത്.
കേരള സാമൂഹ്യനീതി-വനിതാ ശിശുവികസന വകുപ്പ് മന്ത്രി ബിന്ദു കൃഷ്ണ ഗീതയ്ക്ക് പുരസ്കാരം സമ്മാനിച്ചു.
പുരസ്കാരം ഏറ്റുവാങ്ങിയ ശേഷം സംസാരിച്ച ഗീത, ഈ അംഗീകാരം ഡോ. ശശികല പണിക്കരുടെ മികച്ച രചനകൾക്കും ദീർഘകാല സാമൂഹിക പ്രതിബദ്ധതയ്ക്കും കൂടി ലഭിച്ച അംഗീകാരമാണെന്ന് വ്യക്തമാക്കി. രാജീവ് ഗാന്ധി സാംസ്കാരിക സമിതിക്ക് കുടുംബത്തിന്റെ നന്ദിയും അവർ അറിയിച്ചു.
രജത ജൂബിലി ആഘോഷങ്ങളുടെ ഭാഗമായി സംഘടിപ്പിച്ച ചടങ്ങ് സാമൂഹിക–സാംസ്കാരിക മേഖലയിലെ നിരവധി പ്രമുഖരുടെ സാന്നിധ്യത്തിൽ ശ്രദ്ധേയമായി.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും. AMCHI MUMBAI | Every Saturday | 4:30 PM | Kairali News
