മുംബൈ നഗരത്തിൽ വ്യാഴാഴ്ച മുതൽ ഓഗസ്റ്റ് ആറ് വരെ നിരോധനാജ്ഞ പ്രഖ്യാപിച്ച് മുംബൈ പോലീസ്. മഹാരാഷ്ട്ര പോലീസ് ആക്ടിലെ സെക്ഷൻ 37 പ്രകാരമാണ് നിയന്ത്രണം. അഞ്ചോ അതിലധികമോ ആളുകൾ ഒത്തുചേരുന്നതിനും പ്രതിഷേധങ്ങളും പ്രകടനങ്ങളും സംഘടിപ്പിക്കുന്നതിനും നിയന്ത്രണമുണ്ട്.
നീറ്റ് ചോദ്യപേപ്പർ ചോർച്ചയ്ക്കെതിരെ കോക്രോച്ച് ജനതാ പാർട്ടിയുടെ നേതൃത്വത്തിൽ നടന്ന പ്രതിഷേധങ്ങളുടെ പശ്ചാത്തലത്തിലാണ് നടപടി. പ്രതിഷേധങ്ങളിൽ പങ്കെടുത്ത 900ഓളം പേർക്കെതിരെ എട്ട് എഫ്ഐആറുകൾ രജിസ്റ്റർ ചെയ്തിട്ടുണ്ട്.
നിരോധനാജ്ഞ നിലനിൽക്കുന്ന കാലയളവിൽ ആയുധങ്ങൾ, സ്ഫോടക വസ്തുക്കൾ എന്നിവ കൈവശം വയ്ക്കുന്നതും പൊതുസ്ഥലങ്ങളിൽ മുദ്രാവാക്യം വിളിക്കുന്നതും പ്രസംഗങ്ങളും പ്രകടനങ്ങളും നടത്തുന്നതും വിലക്കിയിട്ടുണ്ട്. മുൻകൂർ അനുമതിയില്ലാതെ പ്രതിഷേധങ്ങൾ സംഘടിപ്പിച്ചാൽ നിയമനടപടി സ്വീകരിക്കുമെന്ന് പോലീസ് മുന്നറിയിപ്പ് നൽകി.
ജന്തർ മന്തറിൽ നിന്ന് പാർലമെന്റിലേക്ക് നടന്ന പ്രതിഷേധത്തിനിടെ സംഘർഷമുണ്ടായതിന്റെ പശ്ചാത്തലത്തിലാണ് മുംബൈയിലും സുരക്ഷ ശക്തമാക്കിയത്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
