വിശുദ്ധ ബർത്തലോമിയയുടെ തിരുശേഷിപ്പ് ആദ്യമായി ഇന്ത്യയിലെത്തുന്നു. മഹാരാഷ്ട്രയിലെ കല്യാൺ അതിരൂപതയിലെ കല്യാൺ ഈസ്റ്റ് സെന്റ് ബർത്തലോമിയ ഇടവകയ്ക്കാണ് ഈ ചരിത്രനിമിഷത്തിന് വേദിയാകാനുള്ള ഭാഗ്യം.
റോമിൽ നിന്നെത്തിക്കുന്ന തിരുശേഷിപ്പ് ഓഗസ്റ്റ് രണ്ടിന് ഇടവക ദേവാലയത്തിൽ സ്ഥാപിക്കും. വിശുദ്ധ ബർത്തലോമിയയുടെ തിരുശേഷിപ്പ് ആദ്യമായാണ് ഇന്ത്യയിലെത്തുന്നതെന്ന പ്രത്യേകതയും ഈ ചടങ്ങിനുണ്ട്.
വടക്കുപടിഞ്ഞാറൻ ഇന്ത്യയിലും ഏഷ്യയുടെ വിവിധ ഭാഗങ്ങളിലും ക്രിസ്തുവിന്റെ സുവിശേഷം പ്രഘോഷിച്ച അപ്പസ്തോലനായിരുന്നു വിശുദ്ധ ബർത്തലോമിയയെന്ന് ചരിത്രരേഖകൾ വ്യക്തമാക്കുന്നു.
ഈ ചരിത്ര മുഹൂർത്തത്തിന് സാക്ഷ്യം വഹിക്കാനുള്ള ആവേശത്തിലാണ് കല്യാൺ ഈസ്റ്റ് സെന്റ് ബർത്തലോമിയ ദേവാലയത്തിലെ ഇടവകാംഗങ്ങൾ. ഇടവക വികാരി ഫാദർ നെക്സൺ പല്ലന്റെ നേതൃത്വത്തിൽ തിരുശേഷിപ്പ് കമ്മിറ്റിയും ആഘോഷ കമ്മിറ്റിയും മുഴുവൻ ഇടവകാംഗങ്ങളും ചേർന്ന് ചടങ്ങിന്റെ ഒരുക്കങ്ങൾ പൂർത്തിയാക്കുന്ന തിരക്കിലാണ്.
വിശ്വാസത്തിന്റെയും ചരിത്രത്തിന്റെയും അപൂർവ സംഗമത്തിന് സാക്ഷിയാകാൻ ഒരുങ്ങുകയാണ് കല്യാൺ ഇടവക.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
