നാസിക്: നാസിക്കിലെ റാണി നഗറിൽ വാടകയ്ക്ക് താമസിക്കുന്ന ശ്രീ. സോമന്റെ കുടുംബത്തിന് തണൽ മൾട്ടിപർപ്പസ് ഫൗണ്ടേഷന്റെ നേതൃത്വത്തിൽ ധനസഹായം നൽകി. കഴിഞ്ഞ കുറച്ച് ദിവസങ്ങളായി ഡയാലിസിസിന് വിധേയനായ സോമന്റെ ഭാര്യയ്ക്കും അടുത്തിടെ ശസ്ത്രക്രിയ ആവശ്യമായതോടെ കുടുംബം കടുത്ത സാമ്പത്തിക പ്രതിസന്ധിയിലായിരുന്നു.
കുടുംബത്തിന്റെ ദുരിതാവസ്ഥ മനസ്സിലാക്കി അംഗങ്ങളിൽനിന്ന് ചെറിയ തോതിൽ ധനസഹായം നൽകണമെന്ന അഭ്യർത്ഥന ഉയർന്നതിനെ തുടർന്ന്, തണൽ മൾട്ടിപർപ്പസ് ഫൗണ്ടേഷൻ കഴിയുന്ന സഹായം നൽകാൻ തീരുമാനിക്കുകയായിരുന്നു. അംഗങ്ങളുടെയും അഭ്യുദയകാംക്ഷികളുടെയും സഹകരണത്തോടെയാണ് ധനസഹായം കൈമാറിയത്.
കഴിഞ്ഞ പത്ത് വർഷമായി സമൂഹത്തിലെ അർഹരായവർക്ക് താങ്ങും തണലുമായി വിവിധ ജീവകാരുണ്യ പ്രവർത്തനങ്ങൾ നടത്തിവരുന്ന തണൽ മൾട്ടിപർപ്പസ് ഫൗണ്ടേഷന്റെ പ്രവർത്തനങ്ങൾക്ക് അംഗങ്ങളുടെയും സുമനസ്സുകളുടെയും പിന്തുണയും സഹകരണവും തുടർന്നും ലഭിക്കുന്നതിൽ അഭിമാനമുണ്ടെന്ന് ഭാരവാഹികൾ പറഞ്ഞു.
സമൂഹത്തിലെ ദുരിതമനുഭവിക്കുന്നവർക്ക് കരുതലിന്റെ കൈത്താങ്ങാകുക എന്ന ലക്ഷ്യത്തോടെ തണലിന്റെ ജീവകാരുണ്യ പ്രവർത്തനങ്ങൾ തുടരുമെന്നും ഭാരവാഹികൾ അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
