പൻവേൽ: ശ്രീ നാരായണ ചൈതന്യ ട്രസ്റ്റ് പൻവേലിന്റെ ആഭിമുഖ്യത്തിൽ ഖാന്ദേശ്വർ ശിവക്ഷേത്രാങ്കണത്തിൽ സംഘടിപ്പിച്ച കർക്കിടക വാവ് ബലി തർപ്പണത്തിൽ 550-ലേറെ ഭക്തർ പങ്കെടുത്തു. ഇതര സംസ്ഥാനങ്ങളിൽ നിന്നുള്ളവരും ചടങ്ങിൽ പങ്കാളികളായി.
ആചാര്യൻ ഹേമകീർത്തി (ഗുരുപദം, തൃശൂർ)യുടെ കാർമികത്വത്തിലായിരുന്നു പിതൃപൂജാ ചടങ്ങുകൾ നടന്നത്. പൻവേൽ എംഎൽഎ പ്രശാന്ത് ഠാക്കൂർ ചടങ്ങിൽ സദ്ഭാവനാ സന്ദർശനം നടത്തി ഭക്തജനങ്ങൾക്ക് ആശംസകൾ നേർന്നു.
ചടങ്ങിൽ സംസാരിച്ച എംഎൽഎ, ശ്രീ നാരായണ ചൈതന്യ ട്രസ്റ്റ് കഴിഞ്ഞ 15 വർഷമായി പിതൃപൂജാ പരിപാടി തുടർച്ചയായി സംഘടിപ്പിക്കുന്നതിനെ അഭിനന്ദിച്ചു. 15 വർഷത്തിനിടെ ഒരു വർഷം മാത്രമാണ് തനിക്ക് പരിപാടിയിൽ പങ്കെടുക്കാൻ സാധിക്കാതിരുന്നതെന്നും അദ്ദേഹം പറഞ്ഞു.
ട്രസ്റ്റ് നടത്തുന്ന മത-സാമൂഹിക പ്രവർത്തനങ്ങളെയും ‘അർഹതപ്പെട്ടവരിലേക്ക് അന്നദാനം’ എന്ന പദ്ധതിയെയും പ്രശാന്ത് ഠാക്കൂർ പ്രത്യേകം അഭിനന്ദിച്ചു.
തുടർന്ന് ആചാര്യൻ ഹേമകീർത്തി എംഎൽഎയെ പൊന്നാട അണിയിച്ച് ആദരിച്ചു.
ട്രസ്റ്റ് പ്രസിഡന്റ് ഭക്തവത്സലൻ, സെക്രട്ടറി ജയചന്ദ്രൻ കെ. വാസു, ട്രഷറർ ശരത് ചന്ദ്രബാബു, ജോയിന്റ് സെക്രട്ടറി പ്രകാശ് സുകുമാരൻ, വൈസ് പ്രസിഡന്റ് ബാബു കൃഷ്ണൻ എന്നിവരും ട്രസ്റ്റിമാരായ സോബിൻ സുരേന്ദ്രൻ, അജിത് സുരേന്ദ്രൻ, മഹേഷ്, ഉദയഭാനു ബാലചന്ദ്രൻ, എം.പി. മോഹൻ എന്നിവരും ചടങ്ങിൽ സന്നിഹിതരായിരുന്നു.
വനിതാ അംഗങ്ങളായ ശാന്ത സുരേന്ദ്രൻ, രതി ഉദയഭാനു, പുഷ്പ രാമകൃഷ്ണൻ, സന്ധ്യ ജയചന്ദ്രൻ എന്നിവരും ചടങ്ങിൽ പങ്കെടുത്തു.
ചടങ്ങിൽ പങ്കെടുത്ത വിശിഷ്ടാതിഥികൾക്കും ഭക്തജനങ്ങൾക്കും ട്രസ്റ്റ് ഭാരവാഹികൾ നന്ദി അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും AMCHI MUMBAI Every Saturday | 4:30 PMKairali News
