പൻവേൽ: പൻവേൽ മലയാളിസമാജം ഈ വർഷത്തെ ഓണാഘോഷങ്ങളുടെ ഭാഗമായി 15-ാമത് ഓണപ്പൂക്കളമത്സരം സംഘടിപ്പിക്കുന്നു. ആഗസ്റ്റ് 30 ഞായറാഴ്ച ന്യൂ പൻവേൽ സെക്ടർ 6-ൽ പ്ലോട്ട് നമ്പർ 113-ലെ ആദ്യ ക്രാന്തിവീർ വാസുദേവ് ബൽവന്ത് ഫഡ്ക്കെ വിദ്യാലയത്തിൽ രാവിലെ 10 മണി മുതലാണ് മത്സരം.
ഒന്നും രണ്ടും മൂന്നും സ്ഥാനങ്ങൾ നേടുന്ന ടീമുകൾക്ക് യഥാക്രമം 25,000, 15,000, 10,000 രൂപ വീതം കാഷ് പ്രൈസും ട്രോഫികളും ലഭിക്കും. സമ്മാനങ്ങൾ October 4 ന് നടക്കുന്ന ഓണാഘോഷച്ചടങ്ങിൽ വിതരണം ചെയ്യും. പങ്കെടുക്കുന്ന എല്ലാ ടീമുകൾക്കും പ്രോത്സാഹന സമ്മാനവും നൽകും.
മത്സരത്തിൽ പങ്കെടുക്കാൻ ആഗ്രഹിക്കുന്ന ടീമുകൾ സമാജം ഓഫീസുമായോ ജനറൽ കൺവീനർ സതീഷ് നായർ (9920045387), കൺവീനർ സോമരാജൻ (9821228986), ജോയിന്റ് കൺവീനർ കെ. എ. ജോസഫ് (9820429372) എന്നിവരുമായോ ബന്ധപ്പെട്ട് ആഗസ്റ്റ് 23-ന് മുമ്പായി പേര് രജിസ്റ്റർ ചെയ്യണമെന്ന് സമാജം അറിയിച്ചു.
