വയലാർ ശരത്ചന്ദ്രവർമ്മയും ഡോ. സുജിത് ഏവുരേത്തും വസായിയിലെത്തി
വസായ്: പ്രതീക്ഷ ഫൗണ്ടേഷന്റെ ആഭിമുഖ്യത്തിൽ ഇന്ന് (ഓഗസ്റ്റ് 16) വസായിയിൽ നടക്കുന്ന സാഹിത്യ ശിൽപ്പശാലയ്ക്കുള്ള ഒരുക്കങ്ങൾ പൂർത്തിയായി. രാവിലെ 10ന് വസായ് വെസ്റ്റിലെ ബി.കെ.എസ്. സ്കൂളിൽ നടക്കുന്ന ശിൽപ്പശാല വി.ആർ. സുധീഷ് ദീപം തെളിയിച്ച് ഉദ്ഘാടനം ചെയ്യും. സി.പി. കൃഷ്ണകുമാർ അധ്യക്ഷത വഹിക്കും.
പ്രശസ്ത ഗാനരചയിതാവ് വയലാർ ശരത്ചന്ദ്രവർമ്മ, ഡോ. സുജിത് ഏവുരേത്ത് എന്നിവർ സാഹിത്യവുമായി ബന്ധപ്പെട്ട വിവിധ വിഷയങ്ങളിൽ ശിൽപ്പശാലയിൽ സംസാരിക്കും. സാഹിത്യ മത്സരങ്ങളിൽ വിജയികളായവർക്കുള്ള പുരസ്കാര വിതരണവും ചടങ്ങിൽ നടക്കും.
രാജേന്ദ്രൻ കുറ്റൂർ, ഇ. ഹരീന്ദ്രനാഥ്, അഡ്വ. ഷീജ മാത്യു, ഡോ. മിനി തോമസ് എന്നിവർ കൺവീനർമാരായുള്ള കമ്മിറ്റിയാണ് സാഹിത്യ ശിൽപ്പശാലയുടെ പ്രവർത്തനങ്ങൾക്ക് നേതൃത്വം നൽകുന്നത്.
കൂടുതൽ വിവരങ്ങൾക്ക് പ്രതീക്ഷ ഫൗണ്ടേഷൻ ചെയർമാൻ കെ.ബി. ഉത്തംകുമാറുമായി 9323528197 എന്ന നമ്പറിൽ ബന്ധപ്പെടാം.
